Goli këtë fundjavë ndaj Sampdorias ia shtoi vlerat mbrojtësit shqiptar të Veronës, Marash Kumbulla.
19-vjeçari është përzgjedhur në formacionin e javës që lamë pas në Seria A, nga “Who Scored”, si një nga dy qendërmbrojtësit më të mirë në Itali, e ku krah tij gjendej edhe Milenkoviç i Fiorentinës.
Përveç paraqitjes mjaft të mirë përballë një emri si Kualjarela, Kumbulla mori skenën për vete, edhe me golin e tij, që zhbllokoi shifrat e takimit ndaj Sampdorias.
Në formacionin e javës, gjenden edhe Çiro Imobile apo Cristiano Ronaldo në majën e sulmit.
