Dy çiftet gjysmëfinaliste të Kupës së Shqipërisë do të mësohen ditën e mërkurë, kur në ambientet e Federatës Shqiptare të Futbollit, do të hidhet shorti.
Ky është informacioni që mësohet zyrtarisht nga FSHF-ja, që bën të ditur se hedhja e shortit do të bëhet në orën 11:00.
Janë kualifikuar Skënderbeu, Flamurtari, Kukësi dhe Laçi, që do të luftojnë fort për trofeun, që sjell edhe pjesëmarrjen në Kupat e Europës.
Janë skuadrat që kryesojnë në kampionat aktualisht, por sigurisht që e duan edhe këtë trofe./Vipsport/
