Sukseset e atletit shkodran Gezim Dimnaku vijojne. Diten e djeshme ne Toronto te Kanadase eshte zhvilluar nje Miting Nderkombetar per veteranet (Open Meeting) ku kane marre pjese sportiste nga e gjithe Bota dhe ai eshte renditur i dyti.
Ne kete miting kane marre pjese nga 18 vjeç e lart dhe Dimnaku ka konkurruar ne pesegaresh, pikerisht ne kategorine Master (50 vjeç e lart).
Forma e tij sportive ka qene shume e mire teksa ka marre pjese ne garat e kercimit se gjati, 200 metra sprint, hedhje shtize, hedhje disku dhe 1500 metra vrapim. Ne kete gare ka dale i pari dhe ka thyer rekordin e Quebek.
Me paraqitjet e tij ne pesegaresh, Gezim Dimnaku ka arritur te grumbulloje 2858 pike dhe me kete rezultat eshte renditur i dyti ne Bote ne kategorine Master (mbi 50 vjeç), teksa i pari eshte renditur amerikani Wale Aka Bashorun me 3394 pike.
Ne kete menyre atleti shkodran qe konkurron per Kanadane ne keto evenimente te rendesishme te atletikes per veteranet, vazhdon te shfaqe talentin e tij duke qene thuajse ne çdo gare ku merr pjese ne podium.
Gjergj KOLA
