Ditmar Bicaj është lojtari më i ri i Teutës. Lajmin e ka bërë publik vetë klubi durrsak në faqen e tij në facebook vetëm pak m minuta më parë.
Mbrojtësi luajti me Flamurtarin sezonin e kaluar dhe u fol se ishte pranë rikthimit te Skënderbeu, por tani ka zgjedhur Teutën.
Një afrim me shumë vlera për durrsakët, duke ditur përvojën e mbrojtësit të qendrës, i cili më parë ka veshur edhe fanellat e Tiranës, Skënderbeut, Partizanit dhe Vllaznisë, por ka luajtur edhe jashtë vendit.
Siç bëhet me dije në njoftimin e klubit bregdetar, Bicaj do të firmosë kontratën dhe pasdite do të jenë në Ohër për t’u bashkuar me ekipin e ri.
Trajneri Bledi Shkëmbi kompleton kështu skuadrën për sezonin e ardhshëm.
