Dinamo është skuadra që shënon më pak në këtë kampionat, me vetëm 13 gola në 23 javë. Humbja e djeshme ndaj Vllaznise ishte e 11-ta për blutë, ndërsa i zbriti në vendin e parafundit, duke rrezikuar tashmë seriozisht rënien nga kategoria.
Mirëpo, nga humbja e mbrëmshme ndaj shkodraneve, ka edhe një sinjal pozitiv për skuadrën e Bledar Devollit, pasi u shënua gol pas 5 javësh thatësire dhe për më tepër nga një mbrojtës: Sofranak.
Pas nje goditje kendi te skuadres se tij, Sofranak shfrytezoi nje rreshqitje ne zone te Jonuzit qe po e markonte dhe ka gjuajur menjehere tokazi duke e derguar topin ne rrjete.
Që prej barazimit me Egnatian më 31 janar, “nëndetësja” nuk kishte realizuar. Statistikat negative vijojnë me fitoret, pasi u bënë tetë ndeshje që Dinamo nuk di se çfarë janë tri pikët, pikërisht prej 19 janarit 2022, kur mundën minimalisht Kukësin pas një goli të Eni Imamit.
