9 pike ne 5 jave kampionat nuk jane shume per Vllaznine qe pretendon te jete ne mes ekipeve qe do te luftojne per titullin kampion. Ish- kapiteni i saj Gilman Lika ne nje prononcim per “Panorama Sport” eshte shprehur se ka ndodhur keshtu ngaqe skuadra nuk i ka vleresuar si duhet disa prej ndeshjeve te luajtura deri tani.
“Mendoj se kemi nje ekip qe i ka mundesite per te bere shume me mire punen e vet siç ka bere keto pese jave kampionat. Une them se nuk eshte bere me e mira e mundshme prej tij. Skuadra ka patur oshilacione. Eshte dashur qe çdo ndeshje ta vleresonte njelloj por kjo duket se nuk ka ndodhur.
Vllaznia ka ne perberje lojtare cilesore, te cilet duke dhene maksimumin e tyre mund ta ndihmojne skuadren qe te paraqitet shume me mire nga sa eshte paraqitur deri tani. Pra duhet qe lojtaret te japin me shume nga sa kane dhene deri tani dhe t’i vleresojne çdo kundershtar njelloj sepse çdo ndeshje, pavaresisht se kunder kujt luan, vlen tre pike”- eshte shprehur fillimisht ish- kapiteni Lika.
Megjithate ai shpreson se e ardhmja e ketij ekipi do te jete ndryshe teksa shton: “Kam shume besim se lojtaret dhe ekipi kane per t’u rritur nga ndeshja ne ndeshje. Pra e shikoj Vllaznine ne vallen e ekipeve pretendente edhe kete sezon.
Eshte vetem fillimi i kampionatit dhe skuadrat ende nuk kane treguar vlerat e tyre me te mira. Mendoj se Teuta e Kukesi nuk jane per ato vende ku ndodhen aktualisht, kurse Erzeni dhe Egnatia kane bere mire deri tani dhe nuk mund te thuash se do te nderrojne vendet me keto dy ekipet e tjera.
Sa i takon Vllaznise, une kam nje keshille per te, qe duhet t’i vleresoje te gjitha ndeshjet ne maksimum, pasi futbolli nuk te fal. Duhet vleresuar ne maksimum si Flamurtari ashtu edhe Teuta. Nese do t’i jepet vleresimi i duhur, jam i bindur se do te arrije te marre rezultate pozitive ne te dy keto takime te javes se ardhshme”./SHKODRA-SPORT.COM/
