Ndryshimet e pesuara tek ekipi i femrave te Murlanit ne fazen e dyte te kampionatit, po japin frutet e veta. Pasditen e sotme, vajzat e drejtuara nga trajneri Arben Parmeza kane fituar me rezultatin 3-1 ndaj Tiranes.
Kjo e fundit ka qene ndjekesja kryesore e ekipit te Vllaznise teksa mbante vendin e dyte te renditjes dhe fitorja e lehte e Murlanit ndaj saj tregon qe ky ekip ka vlera.
Rezultati eshte zhbllokuar ne minuten e 15-te me ane te futbollistes se talentuar Rosela Vasa. Pak minuta me vone do te ishte rradha e brazilianes Luiz Cabral Rhaiza Sthefan qe te dyfishonte shifrat dhe pjesa e pare eshte mbyllur ne kete menyre me shifrat 2-0 per Murlanin.
Ne fillimin e se dytes, do te ishte serish Luiz Cabral Rhaiza Sthefan qe do te shenonte edhe golin e trete duke vulosur fitoren per ekipin e saj. Ne minutat shtese, Kesjana Goro do te shenonte te vetmin gol per Tiranen qe ka vulosur rezultatin perfundimtar te kesaj ndeshje 3-1 ne favor te Murlanit.
Me kete fitore, Murlani eshte ngjitur ne kuoten e 31 pikeve duke kaluar per momentin ne renditje ekipin e Partizanit dhe duke i marre vendin e katert te renditjes./SHKODRA-SPORT.COM/
