Nuk ka më dyshime. Presidenti i Ligës Profesioniste do të jetë Edvin Libohova. Zv.presidenti aktual i FSHF-së është zgjedhur në mënyrë unanime nga klubet e Kategorisë Superiore për të drejtuar këtë ligë.
Mbetet për tu parë nëse Libohova të heqë dorë nga funksionet aktuale që mban në FSHF (zv. president dhe anëtar i KE).
Përveç angazhimeve në fushën e sportit, pranë FSHF-së, Libohova është një ekspert i ekonomisë dhe sistemit bankar, gjë e cila ia shton kreditet për qenë kryetari i parë i Ligës, kuptohet nëse do të ketë finalizim të procesit, pasi shpeshherë krijimi i kësaj strukturë ka dështuar në çastet e fundit.
