Klubet nga Premier League e kanë refuzuar idenë që të luajnë në stadiume neutrale, derisa Federata e Futbollit të Anglisë nuk pranon që ky edicion të përjashtohet.
Nga takimi i mbajtur sot është marrë vendimi që stërvitjet të fillojnë nga 1 qershori, derisa ndeshjet e para do të fillojnë më 12 qershor.
Pjesë e ‘Projektit rifillimi” janë edhe ndeshjet në stadiumet neutrale, por kryetari i ligës angleze, Richard Masters tani ka pranuar se ajo ide është hipotetike.
“Të gjithë do të preferojnë të luajnë në shtëpi dhe jashtë nëse është e mundur, dhe është e qartë të shohësh disa klube të ndjehen më fort për këtë sesa të tjerët,” ka thënë ai pas takimit, raporton BBC Sport.
“Ne jemi në kontakt me autoritetet dhe po dëgjojmë këshillat, ndërsa gjithashtu përfaqësojmë pikëpamjet e klubeve në ato diskutime”.
“Që kur Covid-19 u bë një çështje, ne kemi biseduar me autoritetet në lidhje me kushtet në të cilat ne mund të kthenim mbrapa Ligën Premier dhe duke marrë të gjitha ato këshilla në bord, por është një dialog në vazhdimësi”.
“Por, të gjithë duhet të jenë të vetëdijshëm për ato që autoritetet po na thonë, dhe ne do të vazhdojmë me atë konsultim”.
“Ka një dëshirë të fortë për të diskutuar gjithçka rreth e rrotull dhe për të rënë dakord për një rrugë kolektive përpara. Ka një vullnet vërtet të fortë kolektiv për të përfunduar sezonin”, ka shtuar më tej ai.
The Times dhe The Independent raportojnë se shefi i FA, Greg Clarke u tha të gjitha 20 skuadrave të Premier League që organi drejtues nuk do të sanksiononte sezonin që përfundon pa rënie të tri skuadrave nga liga ose edicioni 2019-20 të përjashtohet përfundimisht.
