Kombëtarja e Shqipërisë është rikthyer në stërvitje pas ndeshjes së Nations League ndaj Izraelit dhe ka vijuar përgatitjet për miqësoren e 13-qershorit me Estoninë. Tashmë, skuadra e Shqipërisë do të ketë ndryshime në listën e futbollistëve të gatshëm për ndeshjen e tretë të qershorit.
Kështu, Etrit Berisha, Ivan Balliu, Berat Gjimshiti, Klaus Gjasula, Nedim Bajrami, Kristjan Asllani, Marash Kumbulla, Sokol Çikalleshi, Kastriot Dermaku, Ardian Ismajli dhe Bekim Balaj do të largohen nga grumbullimi dhe nuk do të jenë të gatshëm për sfidën me Estoninë.
Ndërkohë, me ekipin janë bashkuar edhe pesë futbollistët e rinj të ftuar së fundmi, Simon Simoni, Jon Mersinaj, shkodrani Kevin Haveri, Enis Çokaj dhe Arbnor Muçolli. Momentalisht, këto janë të vetmet ndryshime të bëra deri më tani nga trajneri Edoardo Reja.
Të hënën, Kombëtarja e Shqipërisë do të zhvillojë edhe ndeshjen e tretë të qershorit, pikërisht miqësoren me Estoninë, që do të luhet në stadiumin “Air Albania”, në ora 18:00. /Maringlen ZHIVANI/
1) Gentian Selmani
2) Elhan Kastrati
3) Simon Simoni
4) Elseid Hysaj
5) Frederik Veseli
6) Enea Mihaj
7) Erion Hoxhallari
8) Ermir Lenjani
9) Jon Mersinaj
10) Kevin Haveri
11) Amir Abrashi
12) Ylber Ramadani
13) Endri Çekiçi
14) Enis Çokaj
15) Arbnor Muçolli
16) Myrto Uzuni
17) Armando Broja
18) Taulant Seferi
19) Giacomo Vrioni