Duke qene ndeshje kupe, duke luajtur ndaj nje kundershtari te nje kategorie me poshte, trajneri i Vllaznise Mirel Josa ka vendosur te ndryshoje skemen e skuadres se tij ne ndehsjen e sotme ndaj Flamurtarit.
Ndryshe nga skema e zakonshme qe ai perdor, ajo 4-3-3, kete here kuqeblute kane luajtur me 4-4-1-1. Nje skeme per “t’i ardhur ne ndihme” Kristijan Vulajt sepse i pershtatej lojes se tij, ngaqe kete here u projektua si titullar duke luajtur si sulmues i dyte pas Kaines.
Dhe ne fakt, shqiptari i Tuzit sidomos ne pjesen e pare u duk se e justifikoi besimin e trajnerit. Shenoi ne te paren mundesi qe iu dha (goli i tij i pare ne ndeshjet zyrtare me fanellen kuqeblu) dha dy here asiste te shkelqyera per Çoben qe neglizhoi ne gjuajtje duke mos e konkretizuar dot.
24 vjeçari ne pjesen e dyte u sfumua disi, ndoshta nga vete rezultati apo dhe reagimi i vaket i skuadres pas disavantazhit te krijuar, nderkohe qe u zevendesua ne minutat e fundit te ndeshjes.
Tashme mbetet te presim se cila do jete “nota” qe Vulaj do te marre nga Josa. Nese do te konsiderohet “note pozitive”, atehere ai mund te jete pjese e formacionit edhe ne ndeshjet e ardhshme dhe e kunderta nese nuk ka marre “note kaluese”. Sepse ne fund te fundit, eshte trajneri qe vendos, pavaresisht mendimeve te tifozeve./SHKODRA-SPORT.COM/
