Laçi siguroi një fitore të lehtë ndaj Luftëtarit duke mposhtur kurbinasit pa shumë lodhje me rezultatin 3-1. Kurbinasit u ndihmuan nga dy autogola të gjirokastritëve dhe një mosmarrëveshje e cila u shfrytëzua saktë nga Xhixha.
Mjaftuan 2 minuta për të kuptuar se çfarë drejtimi do të merrte ndeshja, kur Kuka ngatërrohet dhe realizon gabimisht në portën e tij. Gjirokastritët u shfaqën të pafuqishëm dhe vjen goli i dytë pas një mungese organizimi në mbrojtje dhe Xhixha dyfishoi shifrat.
Pjesa e dytë nisi vrullshëm dhe kurbinasit gjetën lehtësisht golin e tretë në minutën e 51-ë.
Për gjirokastritët mjaftoi një penallti 5 minuta nga fundi i lojës dhe Mehmetllari realizoi golin e nderit.
Tashmë lufta në frontin e Ligës së Europës ashpërsohet akoma më shumë pas fitores së Laçit sot me Luftëtarin.
FT| LAÇI-LUFTËTARI 3-1
Kuka 2′ (ag), Xhixha 40′, Lala 51′ (ag) / Mehmetllari 85′ (p)