E ardhmja e Marash Kumbullës është gjithnjë e më larg qytetit të përjetshëm. Jose Mourinho e ka aktivizuar vetëm një herë si titullar në këtë sezon në Serie A pikërisht në ndeshjen e fundit ndaj Venezias madje edhe në atë sfidë e zëvendësoi në minutën e 65-të, me shqiptarin që tashmë duket se ka dalë plotësisht jashtë planeve të trajnerit portugez.
Merkato e janarit është mundësia më e mirë për qëndërmbrojtësin për të ndërruar ambient dhe për të rigjetur formacionin por edhe formën më të mirë në një tjetër skuadër.
Ofertat për 21-vjeçarin nuk mungojnë as nga klubet e tjera të Serie A dhe sëfundmi në skenë për mbrojtësin që aktualisht është i impenjuar me kombëtaren shqiptare për dy ndeshjet e fundit eliminatore ndaj Anglisë dhe Andorras ka dalë në skenë Torino.
Kumbulla mund të bëhet shok skuadre me Etrit Berishën edhe në Serie A, pasi klubi “granata” e ka serioziosht. Trajneri Ivan Juric i ka kërkuar presidentit Urbano Cairo një përforcim të vlefshëm në qëndër të mbrojtjes dhe Kumbulla është i preferuari i trajnerit kroat.
Ka qenë pikërisht Juric ai që e afrimoi në futbollin e madh mbrojtësin e talentuar duke e aktivizuar rregullisht te Verona në moshën 19-vjeçare në sezonin 2019-2020 dhe me Juric në stol, te Torino Kumbulla mund ta ketë të thjeshtë të rigjejë veten.
