Është formuar tek Akademia Vllaznia dhe më pas firmosi edhe kontratën me ekipin e parë, por duke u nisur nga mungesa e hapësirave preferoi që sezonin e kaluar të bëhej pjesë dhe të luante me ekipin e Basanias në kategorinë e dytë.
Por në sezonin e ri Hazret Shimaj ka vendosur që të rivishet sërish kuqeblu dhe prej një muaji i është bashkuar ekipit Vllaznia “B” duke u vënë nën urdhërat e trajnerit Brikeno Bizi.
Mesfushori që muajin e ardhshëm mbush 21 vjeç pritet të jetë një pikë e fortë për këtë repart dhe natyrisht që aftësitë i ka për të qenë një element i rëndësishëm për ekipin.
Kujtojmë që Vllaznia “B” në sezonin e ri do të luajë në kategorinë e dytë dhe ndeshjen e parë të kampionatit do ta luajë ditën e shtunë në fushën sportive “Reshit Rusi” ndaj ekipit të Tërbunit.
Burimi: Gazeta “SHKODRA SPORT”
