Vushtrria e ka mbyllur gjysmen e pare te kampionatit te Liges se Pare ne Kosove duke qene ne vendin e pare te renditjes dhe si rrjedhoje eshte shpallur “kampione dimri”.
Skuadra qe drejtohet nga trajneri shkodran Samuel Nikaj nuk ishte menduar te ishte pretendente sepse vetem dy dite para startit te kampionatit, u rregjistrua per te marre pjese aty dhe si rrjedhoje edhe kontigjentin e lojtareve nuk e ka patur ate te duhurin.
Megjithate fale nje pune te madhe ne stervitje, ndoshta edhe me pak fat, ata jane ne vend te pare, por per ta mbajtur ate sigurisht qe duhen perforcime ne merkaton e janarit.
Por nderkohe trajneri Nikaj duke shfrytezuar pranine ne studion e “Sport Arena” ne TV Rozafa te ish- kapitenit te Vllaznise Gilman Lika, i ka bere nje oferte LIVE ne emision.
“Nese Gilmani deshiron te vazhdoje sportin, e ka gati oferten qe tani per te ardhur tek Vushrria dhe sebashku te punojme per ta ngjitur kete skuader ne Superlige”- ka thene trajneri i Vushtrrise.
Nderkohe Lika eshte pergjigjur: “Profesor Samueli edhe sezonin e kaluar kur ka qene trajner tek Burreli me beri oferte per te luajtur atje, por e kisha vendosur per te mos luajtur me dhe prandaj nuk shkova. Une e falenderoj per vleresimin qe ka per mua, por kapitulli i futbollit te luajtur, eshte mbyllur per mua”./SHKODRA-SPORT.COM/
