Merih Demiral ka rifilluar stërvitjen me Juventusin.
Mbrojtësi turk lëndoi ligamentin më 12 janar dhe pritej të humbiste edhe pjesën tjetër të sezonit, por pandemia e koronavirusit i dha mundësinë atij që të rikuperohet dhe të rikthehet sërish në stërvitje.
“Programet individuale të trajnimit vazhduan për lojtarët e Juventusit. Bianconerët të përfshirë në ditët e fundit, ishin Bentancur, Bernardeschi, Bonucci, Buffon, Chiellini, Cuadrado, De Sciglio, Dybala, Pinsoglio, Pjanic, Ramsey dhe Rugani”.
“Sot ka lajme në lidhje me Merih Demiral: lojtari turk u kthye në Qendrën e Stërvitjes. Merih, i cili vazhdon rehabilitimin e tij në “J Medcial”, tani ka filluar të punojë në terren, pasi gradualisht vazhdon shërimin e tij”, thuhet në njoftimin e Juventusit.
