Bekim Balaj është bërë sot pjesë e historisë në futbollin rus. Skuadra e tij e re, Nizhni Novgorod, ka fituar që në ndeshjen e parë të kampionatit, në të cilin ishte debutuese pasi për të ky është viti i parë si pjesëmarrëse në elitë.
Balaj ishte titullar në ndeshjen që Nizhni luajti në shtëpi kundër Soçi, në të cilën kërkohej sigurisht një rezultat pozitiv për t’i bërë një start të mirë kampionatit.
Goli i Gorbunov në minutën e 60, i dha mundësinë ekipit të Nizhni që të siguronte një fitore minimale 1-0 dhe të bënte një start sa më të mirë të kampionatit.
Klubi ka si objektiv mbijetesën në këtë sezon dhe shpreson që edhe me kontributin e Balajt, i cili ka eksperiencë në futbollin rus, të arrijë ta sigurojë atë. Një fitore që në javën e parë të kampionatit, duket pikërisht si mënyra e duhur për të shkuar drejt këtij objektivi.
