Egnatia e këtij sezoni po bën paraqitje të shkëlqyera, duke mposhtur edhe ekipe të mëdha të futbollit tonë. Shpëtim Duro ka sjellë një frymë të re në skuadër dhe duket se rrogozhinasit do të shohin më shumë se mbijetesa këtë edicion në “Abissnet Superiore”.
I ftuar në studion e emisionit “Ora Sport“ në “Ora TV“, Ndriçim Shtubina ka thënë hapur se beson në arritjen e Europës. Drejtori teknik i Egnatias është shprehur se përderisa ekipe si Laçi dhe Kukësi pretendojnë të shkojnë në Europë, atëherë përse të mos e bëjë edhe ekipi në të cilin ai punon.
“Unë jam nga ata që besoj për Europën. Po ta them diçka troç. Pse Laçi me Kukësin pretendojnë dhe të mos pretendojmë ne? Nuk më intereson fare për eksperiencën. Unë shikoj skuadrën”, ka thënë Ndriçim Shtubina.
Ky i fundit pas lenies se futbollit, tashme ka nisur ate te drejtuesit dhe po e ben ne menyren e duhur, ne bashkepunim edhe me presidentin Demrozi si dhe me pjestaret e stafit teknik, duke ndertuar nje ekip shume simpatik qe po e thote si duhet fjalen e tij.
