Janë shtyrë ndeshjet gjysmëfinale të play off-itë të kampionatit kombëtar të volejbollit për meshkuj. Duhej të nisnin më 24 marrs, por drejtuesit e Federatës kanë vendosur të zhvillojnë në Tiranë një turne në nder të 100 vjetorit të Pavarësisë. Në këtë turne do të marrin tre skuadrat më të mira aktualisht të vendit tonë, pikërisht Teuta, Studenti dhe Tirana si dhe Shkëndija e Tetovës. Ky turne do të zhvillohet në datat 24-25 mars. Pikërisht për shkak të tij, janë shtyrë pra ndeshjet gjysmëfinale të play off-it. Në këtë mënyrë, ndeshja e parë, ajo në mes Studentit dhe Vllaznisë do të luhet në Tiranë më 28 maj. Çifti tjetër i gjysmëfinaleve është Teuta- Tirana. Sigurisht që Studenti dhe Teuta janë favorite për finalen por kjo nuk do të thotë se dy ekipet e tjera do jenë pasive. Madje Vllaznia është e përgatitur për të tentuar surprizën e mundshëm ndaj skuadrës së Ylli Tomorit. Problemet tek ekipi shkodran kanë qenë të shumta në këtë sezon megjithatë ai vazhdon të jetë në elitën e volejbollit shqiptar. Trajneri Artan Kalaja është mundur t’ia dalë bashkë me djemtë që stërvit duke sfiduar të gjitha vështirësitë që i shoqërojnë në përgatitjet e tyre, natyrisht duke qenë shumë larg skuadrave të tjera pretendente.
www.shkodrasport.com
