Lojtari i Skënderbeut Randi Dumfur me shumë gjasa do të vazhdojë karrierën te skuadra e Vllaznisë.
Mbrojtësi i cili sezonin e fundit u aktivizua titullar te Skënderbeu në Kategorinë e Parë, ka shpërndarë në “Story”, një artikull, ku bëhet me dije se Dumfur pritet të transferohet te Vllaznia dhe se palët janë në bisedime.
Nëse marrëveshja finalizohet, Dumfur do të vihet menjëherë në dispozicion të trajnerit Martini, për të dhënë kontributin e tij te shkodranët, duke filluar nga ndeshjet Europiane.
