Nuk ishte pjesë e listës së Europianit, por Brajan Gruda është ftuar nga trajneri i përfaqësueses së Gjermanisë, Julian Nagelsmann.
Sulmuesi me origjinë shqiptare ka marrë ftesë nga Nagelsmann për t’u stërvitur së bashku me lojtarët e kombëtares së panzerave.
Edhe pse nuk do të jetë pjesë e Euro 2024, tekniku gjerman i ka dhënë shansin Grudës që të tregojë veten gjatë përgatitjeve, për t’i dhënë më pas një mundësi në miqësoret e ardhshme apo Nations League.
Ky lajm zbeh shpresat e Shqipërisë, me kuqezinjtë që ende shpresonin që 19-vjeçari që aktivizohet me Mainz do të vendoste të luante për vendin e origjinës.
