Vllaznia eshte shnderruar ne nje “makth” te vertete per Partizanin. Ky i fundit nuk e njeh shijen e fitores ne 10 perballjet e fundit qe ka ndaj shkodraneve ne kupe e kampionat. Nje bilanc ky aspak pozitiv per nje skuader qe gjithnje ka kerkuar te jete pretendente.
Ekipi kuqeblu ka fituar 4 prej ketyre ndeshjeve, nderkohe qe 6 te tjera jane mbyllur ne barazim. Dhe per me teper, te kuqte ne disa prej ketyre ndeshjeve nuk kane arritur te gjejne as rrugen e rrjetes dhe kjo i ben edhe me “zi” statistikat e ketyre perballjeve.
Mund te duket disi e çuditshme per tifozet e Partizanit nje gje e tille, por per ata te Vllaznise gjithmone sfidat ndaj kesaj skuadre sjellin optimizem dhe keshtu pritet te ndodhe edhe sot.
Pavaresisht 4 mungesave qe ka skuadra e drejtuar nga Mirel Josa, besimi tek fitorja eshte i madh. Nje besim qe vjen edhe nga kjo histori e perballjeve te ketyre viteve te fundit.
Nga ana tjeter, trajneri i te kuqve Colella dje u shpreh se nuk u beson shume statistikave dhe prandaj do te kerkoje sot qe te thyeje “tersin” e perballjeve te skuadres se tij ndaj Vllaznise./SHKODRA-SPORT.COM/
