Vllaznia humb në gjysmëfinale ndaj Kamza Basket

Sonte në mbrëmje është luajtur ndeshja gjysmëfinale e Kupës së Shqipërisë në basketboll për meshkuj në mes ekipeve të Vllaznisë dhe Kamza Basket. Ndeshja ka nisur në orën 18.00 në pallatin e sportit "Ramazan Njala" të Durrësit. Ajo është dominuar kryesisht nga basketbollistët kamzalinj të cilët sidomos pas periodës së tretë e kanë patur në dorën e tyre rezultatin e ndeshjes dhe në të katërtën e kanë thelluar duke e mbyllur ndeshjen në shifrat 82-64. Duke parë edhe rezultatin e periodës së parë, 28-17, duket qartë se Kamza Basket ka dominuar në lojë ndaj skuadrës së trajnerit Gjeçaj.

Ekipet e Vllaznisë e nisin me fitore kampionatin e të rinjve

Dy ekipet e të rinjve të Vllaznisë në basketbol, ato për të rinj dhe për të reja, e kanë nisur kampionatin e sivjetëm me fitore. Ekipi i të rinjve, i drejtuar nga trajneri Roland Koka ka arritur të fitore në Tiranë ndaj ekipit ABC Valbona me 21 pikë diferencë ose më saktësisht, 40-61. Ky ekip është kampion në fuqi i vendit dhe sigurisht që do të kërkojë ta mbrojë këtë titull edhe sivjet. Edhe ekipi i të rejave me trajnere Afërdita Rakajn, e ka nisur me fitore kampionatin.

Vllaznia në gjysmëfinale të Kupës ndaj Kamza Basket

Federata Shqiptare e Basketbollit më në fund e ka përcaktuar skemën me të cilën do zhvillohet sivjet Kupa e Shqipërisë. Megjithëse mendohej të kishte një pjesmarrje të gjërë, në fund është rënë dakord që në finalet e këtij kompeticioni të marrin pjesë vetëm katër skuadrat e renditura në katër vendet e para në gjysmën e parë të kampionatit. Kjo e njëjta gjë, si për meshkuj ashtu edhe për femra. Vllaznia për femra është më poshtë në renditje pra nuk do marrë pjesë në këtë kompeticion, ndërsa ekipi i meshkujve po. Madje edhe formula e ndeshjeve është e përcaktuar teksa skuadra e vendit të parë luan me atë të vendit të katërt dhe e dyta me të tretën.

Gjeçaj: Vllaznia s’ka financa të marrë asnjë sportist në merkato

Edhe për sportin e basketbollit ka nisur merkatoja por jo për ekipin e basketbollit të meshkujve të Vllaznisë. Trajneri i këtij ekipi Bledar Gjeçaj ka bërë të ditur se nuk ka asnjë mundësi financiare për të mundësuar marrjen e ndonjë lojtari tjetër për ta forcuar atë. "E kemi të pamundur. Nuk kemi asnjë mundësi financiare. Ekipet e klubit shumësportësh Vllaznia për fat të mirë kanë lojtarë të rinj me të cilët mbahen se po të ishin shpresat tek blerjet, do ishte një dështim i madh. Pra, ka ende shumë ditë në dispozicion për të bërë ndonjë afrim të mundshëm megjithatë Vllaznia e ka mbyllur prej kohësh këtë gjë. 

Gridi Sokoli oferta nga kampionati kosovar

Basketbollistja më e mirë e ekipit të basketbollit të femrave të Vllaznisë, pikërisht Gridi Sokoli, ka marrë një ofertë për të luajtur në kampionatin kosovar. Të interesuar për këtë sportiste duket se janë drejtuesit e ekipit Liria e Prizrenit. Njëri prej drejtuesve të lartë të tij mendohet që gjatë këtyre ditëve të mbërrijë në Shkodër për të biseduar konkretisht me Sokolin për kontratën dhe mundësinë e firmosjes me ta. Ende nuk ka një prononcim të vetë kësaj basketbollisteje nëse është e interesuar apo jo për lëvizje megjithatë me shumë mundësi ajo mund të realizohet.

Vllaznia për meshkuj “dërrmohet” nga Tirana

Ekipi i Vllaznisë në basketboll për meshkuj është mundur me 30 pikë diferencë nga Tirana në ndeshjen e luajtur pasditen e sotme në pallatin e sportit "Qazim Dervishi" të qytetit të Shkodrës. Shkodranët e trajnerit Bledar Gjeçaj nuk kanë mundur të bëjnë asgjë më shumë ndaj ekipit më të mirë të vendit. Vllaznia ka rivalizuar vetëm në 10 minutat e para të ndeshjes që janë fituar nga tiranasit 17-14.

Koka: Nuk e dimë kur do nisë kampionati i të rinjve

Viti 2011 po mbyllet dhe ekipet e të rinjve të basketbollit ende nuk e dinë se kur do ta nisin kampionatin e tyre. Kjo situatë ka sjellë një rrëmujë të vërtetë e për më tepër po u shkakton jo pak probleme edhe trajnerëve që merren me stërvitjen e këtyre ekipeve. Kështu i ndodh edhe trajnerit të të rinjve të Vllaznisë Roland Koka. Duke folur për gazetën sportive online "Shkodra Sport.com" ai është shprehur: "Kjo vonesë e nisjes së kampionatit ka krijuar jo pak probleme për ne sepse sportistët pa ndeshje është e vështirë t'i mbash. Janë të rinj dhe kur nuk luajnë, ata preferojnë edhe ta lënë sportin.

Vllaznia për meshkuj fiton në Vlorë 73-70

 

Një tjetër fitore ka arritur ekipi i Vllaznisë në basketboll për meshkuj. Ai ka luajtur sot në Vlorë ndaj Flamurtarit vendas dhe ka fituar me rezultatin 73-70. Sipas informacionit që mbërrin nga ana e trajnerit të këtij ekipi Bledar Gjeçaj, ka qenë një ndeshje shumë e fortë e për rrjedhojë takimi i rregullt është mbyllur në shifra të barabarta, çka i ka detyruar të dy skuadrat të shkojnë në shtesë.

Vllaznia për femra mundet nga Flamurtari 62-75

Skuadra e Vllaznisë në basketboll për femra është mundur në sfidën e radhës. Ka qenë një prej ekipeve më të mira në vend, Flamurtari i cili ka arritur të marrë një fitore të rëndësishme në ndeshjen e luajtur me vajzat kuqeblu në pallatin e sportit "Qazim Dërvishi" në Shkodër. Edhe pse vlonjatet kanë arritur të fitojnë nuk e kanë patur edhe aq të lehtë përballë një ekipi relativisht me moshë të re, siç është Vllaznia.

Vllaznia për femra, vjen suksesi i parë

Vetëm 4 minuta i kanë mjaftuar Vllaznisë në basketbollin e femrave për të arritur një fitore. Për vajzat kuqeblu është suksesi i parë këtë sezon pas tre ndeshjesh të luajtura. Femrat e basketbollit në duelin e tyre të tretë kanë fituar në transfertë. Vllaznia ka arritur të marrë një fitore në shifrat 77 – 100. Në fakt nga rezultati përfundimtar diferenca është e konsiderueshme prej 23 pikësh duke qenë se ndeshja luhej në transfertë, por kjo shkëputje ka ndodhur vetëm në momentet e fundit të lojës.

FUTBOLLI I FEMRAVE

Braktisi Slloveninë për t’iu bashkuar Shqipërisë, Zajmi është jehona që duhet...

Nëse bëhet fjalë për Kombëtaren, gjithmonë duhet vendosur me zemër dhe asnjëherë me lapsin në dorë. Llogaritë bëhen gjithmonë në ekipet që përfaqësohen, për...

HISTORI

error: NDALOHET KOPJIMI DHE PËRDORIMI I PA-AUTORIZUAR