FUTBOLL

Dy skuadrat pretendente për fitimin e Kupës së Shqipërisë të këtij edicioni, pikërisht Ada e Velipojës dhe "Juban Danja', kanë kaluar pa as më të voglin problem në gjysmëfinale të këtij kompeticioni. Sidomos për Adën gjërat kanë qenë më të thjeshta pasi ajo nuk ka luajtur fare. Vajzat velipojake kanë udhëtuar drejt Kamzës për të zhvilluar ndeshjen ndaj Dardanisë sipas shortit të paracaktuar por kundërshtari i tyre nuk është paraqitur dhe për rrjedhojë e ka fituar ndeshjen në tavolinë 3-0.

Opinion nga BEHAR ULAJ

Në fakt, nuk jam shumë i surprizuar nga ikja e Tefik Osmanit, personalisht e kam parë larg ekipit të Vllaznisë. Edhe pse trajneri Bushati donte ta mbante, e dija se diçka do të ndodhte me këtë futbollist. Ai sajoi një largim të tijin në Tajlandë, ku një pjesë e medias “u peshkua” nga ai. Asnjëherë tifozët nuk e kanë dashur. Nuk dua t’i hyj historisë nëse ka shit apo ka lënë ndeshje, këtë nuk e vërtetoj dot unë dhe asnjë.

Muajin e ardhshëm në Budva të Malit të Zi do të zhvillohet një turne shumë i rëndësishëm për futbollin e femrave. Në të do të marrë pjesë edhe skuadra kampione e Shqipërisë, Ada e Velipojës. Interesant është fakti se organizatore e këtij turneu është një nga ekipet më të mira të Europës në futbollin e femrave, kampionia e Rusisë FC Rossiyanka. Ajo ndodhet përpara ndeshjeve çerekfinale të Ligës së Kampioneve teksa ka dalë në tetë më të mirat e saj. Sipas shortit të hedhur të këtij turi, ajo do ndeshet më 20 dhe 27 mars me ëolfsburg të Gjermanisë.

Pasditen e djeshme është bashkuar me skuadrën shkodrane në Ulqin edhe një tjetër futbollist malazez. Bëhet fjalë për Tomislav Çirakoviç. Nga sa bëhet e ditur, ai ka luajtur në kampionatin e vendit të tij me ekipin e Sutjeskës së Nikshiqit dhe aktivizohet në krahun e majtë të mbrojtjes. Ky lojtar është 1.80 m i gjatë dhe do qëndrojë pak ditë në provë tek Vllaznia. Lajmi konfirmohet nga klubi shkodran sipas të cilit do jetë ndeshja miqësore e nesërme ndaj Grbalj që ndoshta do të përcaktojë fatin e këtij futbollisti.

Ridel në skenë emri I Nikolla Vujoviç. Sulmuesi malazez emri I të cilit ka kohë që përflitet në kampin shkodran, mund të ndiqet sot në një ndeshje miqësore nga drejtues të Vllaznisë. Vujoviç luan në rradhët e skuadrës Mogren të Budvas në Mal të Zi dhe ka shënuar 9 gola në fazën e parë të kampionatit fqinj. Ai  nuk ka pranuar të vijë për provë por ka thënë se nëse drejtuesit e Vllaznisë janë të interesuar ta shohin, mund ta bëjnë këtë gjë në miqësoren e sotme Mogren- Radniçki.

‘Te Vllaznia nuk do të ketë blerje sa për të thënë se janë bërë dhe për të shtuar numrin e lojtarëve në skuadër. Do të bëjmë të paktën tri goditje cilësore, të cilat do të na japin garanci për të realizuar synimet në fazën e dytë”. Kështu është shprehur dje presidenti “de facto” i klubit shkodran, Agron Çela. Ashtu siç edhe ai konfirmon, këtë detyrë do ta marrë më 31 dhjetor, duke u zyrtarizuar si president i Vllaznisë. Në një bisedë për gazetën, biznesmeni Çela është në sinkron me teknikun Artan Bushati, i cili pak ditë më parë deklaroi se në skuadër ka vend vetëm për ata lojtarë që do bëjnë diferencën.

Dje lojtari duhej të ishte bashkuar me skuadrën e Vllaznisë në stërvitje por nuk ka ndodhur kështu. Tefik Osmani nuk është bashkuar me skuadrën shkodrane por përkundrazi pritet të luajë me Teutën në fazën e dytë. Kursi ka marrë rrjedhë tjetër pasditen e së enjtes kur në Tiranë do të zhvillohej mbledhja e Dhomës së Zgjidhjes së Konflikteve për të dhënë një vendim përfundimtar për mbrojtësin korçar. Vendimi I saj ka qenë lënia e lirë e futbollistit duke mos qenë tashmë pjesë e Vllaznisë dhe detyrimin e kësaj të fundit për t’I paguar dy rroga Osmanit. Në fakt pritej tjetër gjë.

Mbrojtësi shkodran Antonio Marku mund të jetë zëvendësuesi I Tefik Osmanit në qendër të mbrojtjes së Vllaznisë. Mosardhja e korçarit I ka prishë jo pak planet trajnerit Bushati. Ai në kushte të tilla, kur ka marrë vesh që mbrojtësi 20 vjeçar Marku ka mbyllur me mirëkuptim kontratën me Laçin, ka kërkuar ta ketë në skuadër. Në fakt, këtë lojtar e ka kërkuar me insistim edhe Dinamo, skuadër me të cilën ka luajtur një sezon më parë por ofertës së Vllaznisë ai nuk ka mundur dot t’I rezistojë, sepse është prodhim I kësaj skuadre.

Trajneri i Vllaznisë Artan Bushati duket "në hall". Mosardhja e mbrojtësit Tefik Osmani i ka prishur jo pak plane atij sepse i ka krijuar shumë problem në mbrojtje. Përpos kësaj, për ndeshjen e parë me Skënderbeun ai nuk do ketë në dispozicion portierin Vujadinoviç dhe në vend të tij do luajë Gjokoviç por trajneri nuk është i kënaqur nga forma e tij aktuale. Përveç këtyre dy dilemave, Bushati kërkon edhe një mbrojtës të majtë sepse nuk bindet shumë nga Begaj, një mesfushor shkatërrues por edhe një sulmues të majtë.