FUTBOLL

Për ndeshjen e rradhës ndaj Tomorit, skuadra shkodrane do të jetë e plotë në përbërjen e saj. Kuptohet me kontigjentin aktual sepse futbollistë të tillë si Hasani dhe Bardulla, i kanë dhënë fund sezonit me dëmtimet që kanë patur. Pjesa tjetër e skuadrës është e plotë, madje duke përfshirë këtu edhe malazezin Popoviç që duket se e ka lënë pas dëmtimin që e ka shqetësuar prej tre javësh. Edhe kapiteni Belisha i ka kaluar problemet shëndetësore që ka patur ndërsa Hajdari e Sykaj rikthehen nga pezullimet me kartona. Edhe tre futbollistët malazez që u lanë pushim nga ana e trajnerit Grima për ndeshjen me Skënderbeun, tashmë janë të gatshëm. E kemi fjalën për Petroviç, Brnoviç dhe Jabllan.

Ashtu si në javën e kaluar, edhe sot kanë shënuar sërish futbollistët shkodranë që luajnë për skuadrat e tjera të Superligës shqiptare. Dhe janë sërish Erjon Vucaj e Bekim Bala që kanë bërë një gjë të tillë. Por nëse goli i Balës nuk ka patur dhe aq vlerë ngaqë skuadra e tij në fund është mundur nga Dinamo, goli i Vucajt mund të rezultojë si më deçizivi i këtij kampionati. Ai ka shënuar për Laçin në minutat e para të pjesës së dytë duke i dhënë fitoren kësaj skuadre pikërisht ndaj Teutës kryesuese të kampionatit. Vucaj është një lojtar që po spikat tek Laçi prej tre sezonesh duke treguar aftësi shumë të mira goditëse nga jashtë zone, ashtu siç veproi edhe sot kur shënoi një gol shumë të bukur.

Humbja e sotme në Korçë, në njëfarë mënyre ka qenë e pritshme në kampin shkodran nisur nga mungesat e shumta që ka patur Vllaznia për këtë ndeshje. Në fushë kanë qenë shumë lojtarë të rinj të cilët megjithatë kanë bërë një paraqitje të mirë. Edhe trajneri Armir Grima ka folur me tone pozitive pas ndeshjes në lidhje me paraqitjen e tyre. Për faqen zyrtare të klubit shkodran, ai ka thënë: "E dinim që ishte një ndeshje e vështirë ajo me Skënderbeun në Korçë. Vendasit kërkonin me ngulm pikët për të rimarrë kreun, ndërsa ne udhëtonim drejt Korçës me një ekip me shumë mungesa. Megjithatë, përgjithësisht jam i kënaqur nga paraqitja në fushën e lojës së djemve që u aktivizuan. Ata besoj u impenjuan maksimalisht me aftësitë e tyre.

Atletët shkodranë janë gati të fitojnë edhe Kupën e Shqipërisë për të rritur. Ky aktivitet, i dyti më i rëndësishëm në aktivitetet kombëtare pas kampionatit, do të zhvillohet këtë të enjte në Tiranë. Sigurisht që objektivi i Vllaznisë është i qartë për të zënë vendin e parë dhe për të nxjerrë sa më shumë fitues në garat individuale. Në fakt, janë disa sportistë shkodranë që pretendojnë vende të parë. Kështu Elsid Dizdari në garën e 100 m, ka pretendimin për të zënë vendin e parë, e po ashtu edhe Bajram Muça në 110 m/p, Elvedin Meti në 200 m, Albert Marashi në 400, Izmir Smajlaj në kërcim trepahësh. Bindja tek suksesi i rradhës është e madhe tek të gjithë atletët. Kjo shprehet edhe në deklaratën që jep njëri prej tyre, pikërisht kampioni në fuqi i vendit në garën e 200 m, Elvedin Meti që duk folur për gazetën online www.shkodrasport.com, do të shprehej:

Për ndeshjen e sotme ndaj Skënderbeut, trajneri Grima ka patur shumë dilema për 11-shen që do hedhë në fushën e lojës. Mungesat e shumta të lojtarëve e kanë vënë atë në pozita për të përzgjedhur lojtarët që do luajnë. Problemet më të mëdha duken në ndërtimin e repartit të mesfushës dhe të sulmit sepse në portë dhe mbrojtje gjërat duken të zgjidhura mirë. Vujadinoviç do jetë mes shtyllave si gjithmonë. Para tij pritet të luajë lojtari i ekipit të të rinjve Lekaj në rolin e mbrojtësit të djathtë ndërkohë që Smajli është spostuar të luajë në qendër të mbrojtjes bashkë me Krajën.

Ka luajtur për shumë vite me rradhë për skuadrën shkodrane dhe sigurisht që ndjen keqardhje për pozitat aktuale të Vllaznisë. Atij nuk I vjen aspak mirë që kjo skuadër përflitet edhe për rënie nga kategoria, përmendet shpesh për keq në media, ndërrohen shumë trajnerë, e gjëra të tjera. Safet Osja, ish-futbollisti kampion I kësaj skuadre që tashmë mban postin e drejtorit sportiv tek Ada, duke folur për Vllazninë e sotme do të shprehej: “Të them të drejtën, nuk më vjen aspak mirë kur e shoh Vllazninë në këtë gjendje.

Në janar ka lënë Vllazninë për të firmosur për Liteks në Bullgari por ngjyrat kuqeblu dhe Shkodra, i mungojnë shumë. Për këtë arsye, është gati të rikthehet sërish. Për ta bërë këtë gjë, do hiqte dorë nga shumë gjëra megjithatë dëshira e tij e madhe është për të ardhur dhe për ta nxjerrë Vllazninë kampione. Sëbashku me Sukajn dhe ndonjë gjë. Armando Vajushi e ka të qartë në mendjen e tij se çfarë don të bëjë. Duke folur për gazetën online www.shkodrasport.com, ai ka thënë: "Në Bullgari, sa i takon futbollit ndjehem mirë. Po luaj rregullisht dhe në aspektin profesional, kjo është shumë e rëndësishme. Por të them të drejtën, jam mërzitur jo pak me qëndrimin këtu. Duke qenë kështu, mund të lëviz ndoshta në fund të këtij sezoni sepse ofertat nuk më mungojnë".

Fitorja e së shtunës ndaj Apolonisë ka ardhur përmes një 11-metërshi të dhënë 9 minuta para përfundimit të kohës së rregullt nga ana e gjyqtarit Jorgji, por kjo nuk do të thotë se ata e kanë “vjedhur” atë. Komente të tilla në fakt janë bërë ditën e djeshme pas ndeshjes në media të ndryshme dhe sigurisht që nuk u ka pëlqyer shkodranëve. Futbollistë e drejtues, pavarësisht se nuk duan të dalim me emra, e pranojnë qartë se komente të tilla janë paksa “të tepruara”. Pikërisht për këtë çështje, njëri nga drejtuesit e Vllaznisë që nuk pëlqen të dalë me emër për të mos krijuar polemika të kota, duke dashur të vërtetojnë pretendimin  e fierakëve  se fitorja nuk u është “vjedhur”, thotë kështu:

Sulmuesi shkodran Xhevahir Sukaj vazhdon të mos heqë dorë nga ideja e kthimit të tij tek Vllaznia në fund të këtij sezoni. Një ide e tillë është shumë prezente në mendjen e tij pavarësisht se po luan rregullisht me ekipin e tij Sepahan në Iran, po shënon dhe pritet të fitojë trofe të rëndësishme siç është Liga e Kampioneve e Azisë dhe titull kampion i Iranit. Në një intervistë ekskluzive për gazetën online www.shkodrasport.com, ai ka folur për gjithçka që ka të bëjë me ecurinë e tij në Azinë e largët por edhe dëshirën e madhe për t'u rikthyer në Shkodër. Ja intervista e tij dhënë për gazetën tonë:

Në gusht të këtij viti ai mbush 22 vjeç. Mbase atëherë do të jetë shpallur kampion i Shqipërisë. Do t'i ndodhte për herë të parë në karrierën e tij dhe për këtë arsye, po përjeton momente vërtetë të lumtura. E kemi fjalën për mesfushorin shkodran Ansi Nika që po luan me mjaft sukses për të dytin sezon me rradhë tek Teuta. Madje sivjet po jep një kontribut shumë të madh për këtë skuadër që ajo të shpallet kampione e Shqipërisë. Në një intervisëtë ekskluzive për gazetën online www.shkodrasport.com, Nika do fliste për atë çfarë po përjeton tek Teuta dhe njëkohësisht flet edhe për Vllazninë, skuadrën e tij të zemrës. Ja intervista e tij dhënë për gazetën tonë: