Liverpul raportohet se ka arritur marrëveshje me Tiago Alkantarën për 4 vite. Skuadra angleze është në rrugën e duhur për ta mbyllur operacionin për shifrën e 30 milionë eurove.
Sipas “RMC Sport” Tiago i ka thënë tashmë lamtumirë shokë të tij të ekipit tek Bajern Mynih.
Raportimet pretendojnë gjithashtu se mesfushori ka gjetur edhe shtëpi në Angli. Tiago do jetë pjesë e Bajern Mynihut deri në përfundimin e Ligës së Kampionëve.
Spanjolli u transferua tek ekipi gjerman në vitin 2013 nga Barcelona. Tiago ka fituar 7 tituj kampionë në Bundesliga dhe tre kupa gjermanie.
