Lautaro Martinez e do Interin dhe nuk ka ndër mend ta braktisë skuadrën në të cilën synon të jetë në qendër të projektit për vitet në vazhdim.
24-vjeçari ua ka bërë të qartë drejtuesve zikaltër se pavarësisht se zërat rreth tij flasin për një largim të mundshëm, ai do të vendosë të largohet vetëm kur klubi t’ia kërkojë një gjë të tillë.
Argjentinasi mund “të vetësakrifikohet” nëse do të jetë e nevojshme për të rregulluar bilancet dhe vlera e kartonit të tij për 70-80 milionë euro mund të shikohet si e vetmja zgjidhje për Interin.
Deri atëherë Lautaro e shikon Milanon si vendin ideal për të jetuar në periudhë afatgjatë, aq sa së fundmi ka hapur aty edhe një restorant, një lëvizje që është parë si një shenjë besnikërie ndaj Interit.
