Fitorja e Mançester Sitit në Stamboll, është konsideruar një skandal në Gjermani dhe është prestigjiozja “Bild” ajo që e quan të tillë. Në një artikull të publikuar ditën e sotme, fitorja e Mançester Sitit ka ngjallur polemika, duke u renditur disa nga arsyet që konsiderohet e tillë.
Sipas “Bild”, Championsi u fitua nga një skuadër që nuk duhej të ishte në kompeticion, duke qenë se në sezonin 2020-2021, Siti dënohej nga UEFA me përjashtim 3 vjeçar nga Kupat e Europës.
Megjithatë, KAS hodhi poshtë dënimin e UEFA-s dhe lejoi “qytetarët” që të luanin në Europë.
Aktualisht, aksionet e Sitit zotërohen nga një kompani shtetërore e Abu Dabit, të cilët kanë 78% të aksioneve.
Në merkato, Siti ka qenë skuadër e shfrenuar e megjithatë nuk ka pasur dënime për ta, pavarësisht se edhe vetë Premier Liga ka deklaruar shpesh herë që ka pasur shkelje të rregullores.
