Rendesia e ndeshjes se neserme me Partizanin eshte e madhe dhe ne kampin shkodran duken shume te vendosur per ta kaluar me sukses edhe ate dhe per te vijuar kryesimin e renditjes edhe pas javes se tete te renditjes.
Futbollistet kuqeblu ka dite qe e kane mendjen tek kjo ndeshje dhe duken te karikuar ne maksimum per kete 90 minutesh, por per t’i motivuar edhe me shume ata, duket se do te mendoje administratori i klubit Suad Lici.
Nga sa mesohet, ai ka nder mend te premtoje neser nje premio per ekipin ne rast fitoreje ndaj te kuqve. E beri ne fakt kete gje edhe ne ndeshjen ndaj Tiranes kur ofroi 5 milione leke shperblim por ai nuk u shpernda sepse Vllaznia e humbi ate takim.
Me shume siguri qe kjo shume do te vihet perseri ne dispozicion te ekipit dhe sipas “Panorama Sport”, nje shume e tille si shperblim nuk do te vihet nga “Lici administrator”, por nga “Lici biznesmen”. Qe do te thote se ai mund ta vere kete shperblim nga kursimet e tij.
Megjithate, ne kampin kuqeblu duket se nuk e kane shume mendjen tek shperblimi. Ata ne rradhe te pare kane shume deshire te shprehen ashtu si duhet ne fushen e lojes dhe nese e bejne kete gje, padyshim qe edhe rezultati i kerkuar do te vije.
www.shkodrasport.com
