Kastrioti ka mundur Laçin në një ndeshje dramatike në Kamzë me rezultatin 2-1, e vlefshme për javën e 27-të të Superiores.
Pjesa e parë foli më shumë për kurbinasit, të cilët provuan shumë, por pa mundur të gjenin golin.Dy minuta nga starti i pjesës së dytë, ishte Mihana ai që kaloi në avantazh krutanët, por në minutën e 71’, Guindo përfitoi nga një gabim i Ramit për të rivendosur baraspeshën.
Në minutën e 88’ ishte Babatunde që kaloi në avantazh Laçin, por VAR-i e anuloi për një prekje të topit me dorë.
Pas vetëm 6 minutash, ishte Ajazi i cili me një gju8ajtje me kokë çoi topin në rrjetë duke mposhtur portierin Selmani dhe duke marrë tre pikët për Kastriotin.
Kështu krutanët dhe pse në vendin e fundit shkojnë në kuotën e 27 pikëve, ndërsa Laçi qëndron në vendin e 8-ë me 33 pikë.
KASTRIOTI 2-1 LAÇI
Mihana 47′, Ajazi 90+4′ / Guindo 71′
