SPORTE TE TJERA

Kampionati kombëtar i shahut për të rritur është përmbyllur pak ditë më parë duke shpallur edhe fituesit e tij për vitin 2017. Me interes pritej paraqitja e shahistit shkodran Franc Ashiku që vitet e mëparshme ka qenë edhe kampion i vendit. Në këtë kampionat, ky sportist ka përfaqësuar sërish ekipin e Naftëtarit të Kuçovs.

Largimi i sportistëve cilësorë nga Shkodra dhe Shqipëria vijon sërish. Pas largimit të disa boksierëve e volejbollistëve cilësorë, rradha i ka ardhur një tjetër sportisti kampion për ta ndërmarrë një hap të tillë. Bëhet fjalë për mundësin Qamil Bajrami. Dy herë kampioni i Shqipërisë ka vendosur të ndërpresë karrierën sportive dhe të largohet jashtë vendit për të synuar një jetë më të mirë sepse e ka parë që me sport nuk siguron asgjë.

Pasi është shpallur kampion kombëtar në muajin qershor, çiklisti i Vllaznisë Bruno Kola pak ditë më parë ka fituar edhe Rrethin Çiklistik të juniorëve, i pari i këtij lloji zhvilluar në Shqipëri. Ndër katër etapat e këtij Rrethi, ai ka fituar tre dhe kjo tregon performancën e shkëlqyer të tij. Në podium në këto etapa ka patur gjithnjë edhe sportistë të tjerë të ekipit shkodran por protagonisti i këtij shkrimi, përmend edhe të tjerë protagonistë të këtij suksesi të rradhës të ekipit shkodran.

Rrethi Çiklistik i Shqipërisë për juniorët, i pari në llojin e tij organizuar këtë vit nga Federata Shqiptare e Çiklizmit, ka ulur pasditen e djeshme siparin e tij pas përfundimit të etapës së katërt, asaj Vlorë- Rrogozhinë që ishte edhe e fundit e tij. Ajo çfarë konstatohet është dominimi absolut i këtij Rrethi nga çiklistët e Vllaznisë.

Çiklizmi shkodran duket në rrugën më të mirë drejt ringritjes në nivele të larta. Mesditen e sotme, ekipi i Vllaznisë është shpallur fitues i Rrethit Çiklist për juniorë ndërkohë që çiklisti i saj Bruno Kola ka zënë vendin e parë në renditjen individuale. Suksese këto që tregojnë se ky sport duket në rrugë të mbarë për ringritjen e tij sërish në nivelet më të larta, aty ku ka qenë në vitet '80.

Tre etapa, tre fitore të çiklistëve të Vllaznisë si individ por edhe si ekip. Kjo është ecuria e shkëlqyer e ekipit shkodran që po dominon në etapat e deritanishme të Rrethit Çiklstik të Juniorëve që është duke u zhvilluar nga FSHÇ. Etapa e sotme ka qenë ajo Fier- Cakran- Vlorë.

Dominimi i çiklistëve shkodranë ka vijuar edhe në etapën e dytë të Rrethit Çiklistik të juniorëve dhe kadetëve që po organizon FSHÇ-ja, atë me itinerar Elbasan- Fier. Pavarësisht shkëputjeve të herëpashershme edhe këtë etapë, çiklistët kanë mbërritur në grup deri në hyrje të Fierit, aty ku kanë nisur edhe shkëputjet dhe në fund, i pari që ka prekur vijën e mbërritjes ka qenë Astrit Kronaj i Vllaznisë.

Ashtu siç pritej, Vllaznia dhe çiklistët e saj kanë dominuar në etapën e parë të Rrethit Çiklistik të të rinjve, Rreth ky që ka startuar paraditen e sotme.Ekipi shkodran ka zënë vendin e parë në renditjen ekipore ndërkohë që Bruno Kola ka zënë vendin e parë në renditjen ekipore ndërsa Astrit Kronaj të tretin. Etapa e parë e Rrethit ka qenë ajo me itinerar Durrës- Elbasan e cila është karakterizuar nga një ritëm i kënaqshëm dhe pavarësisht tentativa të herëpashershme  të çiklistëve për shkëputje, ato kanë mbërritur në grup në Elbasan.

Paraditen e sotme do të nisë Rrethi i Parë Çiklistik për juniorë dhe kadetë. Federata Shqiptare e Çiklizmit ka vendosur të punojë dhe të investojë tek çiklistët e së ardhmes meqë po rritet një brez i talentuar sportistësh dhe për këtë arsye, ka vendosur të organizojë për herë të parë një Rreth të tillë. Pjesmarrës do të jenë të gjithë ekipet e vendit me sportistët e tyre më të mirë dhe padyshim që është edhe Vllaznia.

Ditën e djeshmë është zhvilluar në Tiranë kampionati kombëtar i taekondosë për të gjitha grupmoshat. Ky ka qenë kampionati i 22-te kombetar dhe u zhvillua ne pallatin e sportit Asllan Rusi te Tiranes ku moren pjese 260 sportista nga 24 ekipe. Ekipi i Vllaznise konkuroi me 31 sportista nga te gjitha grupmoshat dhe u prezantua me 3 arbitra: Vlerar Bekteshi (kryegjyqtar), Bledar Vukaj dhe Gramoz Hasa.