SPORTE TE TJERA

Mbi 200 sportistë nga vende të ndryshme të Ballkanit dhe Europës kanë marrë pjesë në turneun e 11-të ndërkombëtar i moshave "Nënë Tereza" në xhudo. Ky aktivitet i organizuar gjatë ditës së dielë nga "Albania Xhudo Kodokan" me ndihmën e Bashkisë Shkodër nga viti në vit po merr përmasa edhe më të mëdha por sipas organizatorit të saj, të mirënjohurit Anton Shkoza, vështirësitë kanë qenë jo të vogla, megjithatë ia kanë dalë ta organizojnë edhe këtë vit.

Është zhvilluar edicioni i dytë "Triathlon Labeat". Në këtë aktivitet kanë marrë pjesë 50 garues nga Kosova, Mali i Zi, Tirana dhe Shkodra. Si♪ dihet, ky aktivitet përfshin një garë në tre lloje sportesh: atletikë, not dhe çiklizëm. Kanë ndihmuar në zhvillimin e tij Bashkia Shkodër, shoqata The Door, Malteser dhe kompania "B2".

Ndonëse temperaturat kanë qenë të larta për gjatë gjithë verës që lamë pas, çiklistët e Vllaznisë nën drejtimin e trajnerit Leonat Kola për asnjë moment nuk kanë qëndruar pushim. Fillimisht, përgatitjet janë zhvilluar për kampionatin ballkanik ndërsa së fundi, tashmë e gjithë vëmendja është përqendruar tek Rrethi Çiklistik që do të zhvillohet në fundin e muajit shtator. Federata Shqiptare e Çiklizmit ka vendosur të organizojë për herë të parë në histori një Rreth për juniorë dhe kadetë.

Dita e sotme është e veçantë për ish-kampionin e madh të mundjes Rrok Bardeli. Ai feston 60 vjetorin e tij të lindjes dhe natyrisht që në një përvjetor të tillë nuk ka sesi t'i mungojnë urimet e shumta të shokëve, miqve dhe kolegëve të tij. 10 titujt kampion, fitoret e panumërta në tapet ndaj kundërshtarëve të ndryshëm, e kanë bërë atë të jetë i veçantë. E me këtë përvjetor, nuk na mbetet gjë tjetër veçse t'i urojmë edhe 100 vite të tjera të lumtura.

Pesë çiklistë të Vllaznisë që nga dita e djeshme I janë bashkuar ekipit kombëtar në grumbullimin që ai është duke zhvilluar në Korçë, në kuadrin e përgatitjeve për Kampionatin Ballkanik që do të zhvillohet këtë muaj në Rumani.

Temperaturat e larta të këtij fillim-gushti nuk i kanë penguar çiklistët e Vllaznisë të jenë çdo ditë në stërvitje. Arsyeja është e thjeshtë: Ata përgatiten për të marrë pjesë në Kampionatin Ballkanik që do të zhvillohet në Rumani. Ndërkohë, gjatë këtyre ditëve pranë tyre është gjendur edhe ish- çiklisti i Vllaznisë Festim Meti i cili jeton prej vitesh në Itali.

Sporti shkodran dhe ai shqiptar kanë humbur një tjetër emër të njohur. Atë të shahistit Çesk Jubani i cili është ndarë nga jeta në orët e para të mëngjesit të sotëm në moshën 82 vjeçare. Një njeri i dashur për të gjithë dhe padyshim që mungesa e tij do të jetë e madhe tek familja, shokët, miqtë dhe kolegët e tij.

Suksesi i fundit i çiklistëve të ekipit të Vllaznisë të cilët dominuan në garat e kampionatit kombëtar që u zhvillua pak ditë më parë në Tiranë, natyrisht që e ka kënaqur trajnerin Leonat Kola. Ky i fundit ndjen kënaqësinë e suksesit të sportistëve që drejton të cilët kanë dominuar si në garën e kronometrit individual ashtu edhe atë të rezistencës, gara në të cilat janë ngjitur në podium Bruno Kola, Gjergj Zefi, Astrit Kronaj dhe Samuen Bajrami.

Çiklistët e Vllaznisë kanë bërë një paraqitje të mirë edhe në kampionatin kombëtar që ka startuar pasditen e së mërkurës në kryeqytet. Gara e parë e këtij kampionati ka qenë ajo individuale me kronometër. Ekipi shkodran është përfaqësuar në këtë garë me gjashtë sportistë, tre në kategorinë kadetë dhe tre në atë xhuniorë.

Sukseset e çiklistëve shkodranë vazhdojnë sërish. Ditën e sotme është zhvilluar gara tjetër e kampionatit kombëtar të këtij viti, ajo e rezistencës. Itinerari i saj ka qenë 10 xhiro në distancën nga TEG deri tek Kristal, me një distancë të përgjithshme prej 100 kilometrash. Ajo është zhvilluar për të dyja kategoritë, atë të kadetëve dhe të juniorëve.