SPORTE TE TJERA

Pas shumë pritjesh, më në fund ka nisur puna për të kryer procesin e aspirimit dhe kondisionimit të pallatit të sportit “Qazim Dervishi”. Klubi shumësportësh Vllaznia ka shpallur fituesin e tenderit dhe firma fituese e tij ka nisur menjëherë nga puna për zbatimin e këtij projekti. Thuajse është kryer gjysma e punës deri tani teksa janë vënë tubat e aspirimit në njërën anë të fushës dhe tashmë do bëhet edhe në anën tjetër. Ajo që mbetet është edhe vënia në punë e gjeneratorëve që do thithin ajrin e ambjentit Brenda. Gjërat duket se po shkojnë mbarë dhe mendohet që për një periudhë 10 ditore, I gjithë ky proces të mbyllet dhe më pas gjërat do jenë në rregull.

Komiteti Olimpik Kombëtar Shqiptar ka zhvilluar sot në Shkodër mbledhjen e parë të Komitetit Ekzekutiv për vitin 2014. Ka qenë insistimi I anëtarit të kësaj kryesie, Gjergj Leqejza, që e ka mundësuar këtë mbledhje në qytetin tonë. kanë marrë pjesë në këtë mbledhje të gjithë anëtarët e kryesisë të cilët kanë diskutuar në lidhje me pikat e rendit të ditës. Ai që ka hapur mbledhjen, ka qenë presidenti I Komitetit Olimpik Kombëtar Shqiptar, Viron Bezhani, I cili ka shpjeguar se olimpizmi shqiptar do t’I hedhë sytë në mbështetje të sportistëve cilësorë shkodranë.

Klubi sportiv Vllaznia ka shfrytëzuar finalet e Kupës së Shqipërisë në basketboll për të shpallur 10 sportistët dhe 3 trajnerët më të mirë të tij për vitin 2013. Atmosfera ka qenë shumë entuziaste teksa ceremonia në fjalë është zhvilluar pikërisht para nisjes të finales së meshkujve. Sipas vleresimit të bërë nga trajnerë dhe sportistë, fitues të kësaj ankete për këtë vit kanë qenë basketbollistët Gjon Ndoja dhe Ingrid Dashja, volejbollistët Nikolin Qafarena dhe Ana Gjelaj, atleti Izmir Smajlaj, xhudisti Luigj Shkoza, gjimnastja Abeliana Bregu, boksierët Asmer Bilali dhe Nelson Hysa si dhe peshëngritësi Erkand Qerimaj.

Pas emocioneve të provuara mbrëmjen e së shtunës në ndeshjen e basketbollit Vllaznia- Kamza Basket, sportdashësit shkodranë do të kenë mundësi të provojnë të njëjtat emocione edhe në datat 19-21 dhjetor. Kjo ngaqë Federata Shqiptare e Basketbollit siç dihet ka vendosur që gjysmëfinalet dhe finalet e Kupës së Shqipërisë në basketboll si për meshkuj ashtu edhe për femra, do të luhen pikërisht në Shkodër. Kështu, më datë 19 do të zhvillohen gjysmëfinalet e meshkujve. Vllaznia do të luajë ndaj Apolonisë ndërsa ndeshja tjetër është Kamza Basket- Tirana.

Ekipi i Vllaznisë në taekondo për të rritur, ka bërë një paraqitje të shkëlqyer në garat e Kupës së Shqipërisë të zhvilluar dy ditë më parë në Tiranë.Një sukses i merituar i këtij ekipi që tregon për punën shumë të mirë që sportistat e tij kanë bërë nën drejtimin e trajnerit Elion Puka. Ekipi shkodran mori pjesë në këto gara me 17 sportistë të kategorive të ndryshme dhe thuajse të gjithë kanë arritur rezultate shumë të mira. Në total janë zënë katër vende të para, gjashtë vende të dyta dhe shtatë vende të treta. Kështu, në kategorinë senior (17-35 vjeç) morën pjese Ditmar Hamja -68 kg që zuri vendin e 2-te ,Ditmir Vodinaj -74 kg që zurivend i 1-re, Florian Qallija -80 kg vend i 2-te, Gezim Ferhati + 87 kg vend i 1-re.

Ditën e shtunë në Tiranë do të zhvillohet Kupa e Shqipërisë në sportin e taekondos. Siç dihet, prej disa kohësh ekziston edhe në Shkodër një ekip i tillë dhe kjo falë punës shumë të mirë që ka bërë trajneri Elion Puka. Pikërisht ky ekip ka kohë që përgatitet për aktivitetin e rradhës dhe Vllazninë do ta përfaqësojnë plot 16 sportistë, të kategorisë së rritur dhe të vegjël. Kështu, ne kategorinë senior (17-35 vjeç)do marrin pjese: Ditmar Hamja -68 kg, Ditmir Vodinaj -74 kg, Florian Qallija -80 kg, Gezim Ferhati + 87 kg. Nga kategoria e junior (14-17 vjeç) do marrin pjese Dea Terbuni -55kg dhe Samuel Smajli -55 kg.

Xhudisti Xhovani Shkoza ka zënë vendin e parë në peshën e tij dhe ka merituar medalje ari në turneun ndërkombëtar të moshave të zhvilluar sot në Podgoricë të Malit të Zi. Njëkohësisht ky sportist është vlerësuar me një kupë të veçantë edhe si sportisti më i mirë i kategorisë U-15. Në këtë aktivitet kanë marrë pjesë sportistë nga shumë vende të Rajonit. Ka patur një konkurrencë të fortë dhe nivel të lartë pjesmarrje.

Shahisti i talentuar shkodran Franc Ashiku dy ditë më parë është shpallur kampion i Shqipërisë duke qenë pjesë e ekipit të Butrintit të Sarandës. Ai ka bërë një paraqitje shumë të mirë duke i dhuruar këtij ekipi maksimumin e pikëve. Mjafton këtu të themi se në 11 turet e kampionatit, ai ka marrë 10.5 pikë, pra 10 fitore dhe vetëm 1 barazim duke qenë sportisti me numrin më të madh të pikëve të grumbulluara. Ashiku ka përfaqësuar Butrintin pas ofertës së bërë nga drejtuesit e këtij klubi, edhe për atë se Vllaznia këtë vit nuk ka marrë fare pjesë në kampionatin kombëtar ekipor.

Shumë e suksesshme ka rezultuar pjesmarrja e xhudistëve të Albania Judo Kodokan në një turne shumë të rëndësishëm ndërkombëtar të zhvilluar ditën e shtunë në Cetinjë të Malit të Zi. Xhudistët shkodranë kanë marrë pjesë me ftesë të klubit "Crnogorac" në turneun e 7-të ndërkombëtar të zhvilluar në këtë qytet.

Ditën e djeshme në Dubrovnik të Kroacisë është zhvilluar një turne i rëndësishëm ndërkombëtar për sportin e xhudos ku kanë marrë pjesë sportistë nga thuajse të gjithë vendet e Europës teksa përveç medaljeve dhe diplomave, këtë herë ka patur edhe shpërblime financiare për secilin fitues në peshat respektive. Në këtë aktivitet është përfaqësuar edhe vendi ynë me tre sportistë të klubit Vllaznia dhe pikërisht me Aurora Shkozën, Angjelin Dedën dhe Luigj Shkozën. Paraqitjen më të mirë e ka bërë Aurora Shkoza. Ajo ka kaluar me sukses turin e parë dhe në të dytin është ndeshur me kampionen e Kroacisë që u shpall njëkohësisht edhe fituese e turneut në këtë kategori.