SPORTE TE TJERA

Në etapën e dytë dhe të fundit të kupës "Brahim Syka" tek kategoria juniorë nuk ka patur ndryshim tek fituesi në krahasim me atë të ditës së parë. është sërish i njëjti: Bruno Kola i Vllaznisë. Ndërkohë tek elita, fitues këtë herë është shpallur një tjetër çiklist i Apolonisë Altin Sufaj. Gara këtë rradhë ka patur një itinerar malor, atë Shkodër- Pukë- Shkodër. Kuptohet që më të rriturit në moshë, e kanë përshkruar të plotë këtë distancë ndërsa të tjerët, kthesën e kanë bërë në vendin e quajtur Gomsiqe. Natyrisht që për të dyja kategoritë, gara është bërë e bukur. Sa i takon asaj të juniorëve, që na malore është shkëputur një grup prej 8 çiklistësh ndër të cilët 6 kanë qenë të Vllaznisë, 1 i Teutës dhe 1 i Apolonisë.

Bruno Kola për juniorët dhe Krisel Sota për seniorët, janë shpallur fituesit e etapës së parë të kupës “Brahim Syka” që Federata Shqiptare e Çiklizmit në bashkëpunim me Bashkinë Shkodër ka organizuar sot. Ndonëse në kushte atmosferike jo të mira, gara është shoqëruar me rivalitet. Juniorët e kanë nisur etapën e tyre nga Borizana në drejtim të Shkodrës, me distancë 64 km dhe pas Lezhës, dy çiklistët e Vllaznisë Bruno Kola e Alfons Rrashkadoli, bashkë me atë të Teutës Sali Ballgjini, janë shkëputur nga grupi I madh I sportistëve.

Një inisitiavë shumë interesante ka ndërmarrë së fundi Federata Shqiptare e Çiklizmit.

Çiklistët e Vllaznisë janë bërë sërish protagonistë dhe fitues në një tjetër aktivitet të organizuar nga Federata Shqiptare e Çiklizmit. Ka ndodhur kështu në garën e kupës "26 Marsi" që kjo Federatë ka organizuar në bashgkëpunim me Bashkinë Kavajë, pikërisht në ditën e ardhjes së demokracisë në këtë qytet. Kanë marrë pjesë në të sportistët më të mirë të vendit, mes të cilëve edhe ata të Vllaznisë që kanë bërë sërish një tjetër paraqitje të mirë.

Ka më shumë se një vit që është rikthyer në Shqipëri, nga vendi ku iku si i dënuar dhe u kthye si Kampion Bote. Megjithëse kanë kaluar disa vite, Elis Guri, Kampioni i Botës në mundje, ende ruan një shije të hidhur nga largimi i tij. I biri i një emri të madh në mundjen shqiptare Eljaz Gurit, Elisi ka mbyllur karrierën sportive dhe është fokusuar në projekte të reja. Në një rrëfim ekskluziv për Konica.al, Guri ka treguar odisenë e tij, përjetimin pas largimit nga vendi, kurorëzimin si Kampion Bote dhe rikthimin e tij së fundmi. Për të, gjërat në Shqipëri kanë ecur, disa prej tyre edhe mbrapsht, sidomos sporti. Sipas tij nuk mund të bëhet sport me bukë e djathë.

Ashtu siç kishi premtuar, çiklistët e Vllaznisë e kanë nisur mbarë vitin 2017. Në garën e parë të këtij viti, “Trofeun e kalave”, ata kanë dominuar mbi kundërshtarët e tyre. Gara ka nisur në kalanë e Prezës dhe ka përfunduar në kalanë e Petrelës, ka qenë e gjatë 70 kilometra. Në maloren e fundit, janë shkëputur 11 sportistë, nga të cilët 6 kanë qenë të Vllaznisë dhe në fund, i pari ka prerë vijën e mbërritjes çiklisti Astrit Kronaj që është shpallur fitues i këtij trofeu. I dyti është renditur Gogaj i Apolonisë dhe pas tij menjëherë kanë mbërritur Bruno Kola dhe Gjergj Zefi po të Vllaznisë.

Shkodra aktualisht nuk ka asnjë gazetë apo revistë sportive dhe kjo duket absurde kur ke parasysh faktin që para 100 vitesh në këtë qytet kanë ekzistuar mbi 10 botime të tilla. Pikërisht kjo mungesë, ka bërë që Bashkia Shkodër të ndërmarrë një inisiativë shumë interesante për vitin 2017. Në projekt- buxhetin e këtij viti që është bërë tashmë edhe publik, është planifikuar edhe një fond që do të shërbejë për botimin e revistës sportive "Vllaznia".