Vllaznia ka zhvilluar pasditen e sotme ne fushen sportive “Reshit Rusi” seancen stervitore te rradhes duke vijuar pergatitjet per sfiden e se dieles ndaj Partizanit ne kryeqytet.
E veçanta e kesaj pragndeshje ndryshe nga gjithe te tjerat eshte se ekipi menjehere pas stervitjes eshte nisur drejt “Gardenland” per t’u grumbulluar qe sonte, pikerisht dy dite para ndeshjes se rradhes.
Diçka qe nuk ndodh zakonisht ne kampin shkodran, por nga ana tjeter tregon me se miri per vleresimin maksimal qe presidenti Xhaferi dhe drejtuesit e tjere te klubit jane duke i kushtuar ndeshjes se rradhes.
Me fitoren ndaj Teutes, Vllaznia u ngjit ne vendin e katert dhe si rrjedhoje per momentin e sheh veten ne Kupat e Europes, por kjo nuk mjafton sepse kete vend duhet ta mbaje deri ne javen e fundit. E per t’i motivuar edhe me shume, perpos shperblimit prej 10 mije eurosh per fitoren ndaj Teutes, tashme vjen edhe grumbullimi dy dite para ndeshjes se rradhes.
Kjo do te thote se kuqeblute do te tentojne te mos dalin pa pike nga stadiumi i Partizanit, ndonese ky i fundit eshte ende ne gare per titullin kampion./SHKODRA-SPORT.COM/
