Elis Bakaj është vetëm një hap larg transferimit te klubi bjellorus Shaktjor Soligorsk.
“Panorama Sport” kishte paralajmëruar ditë më parë se klubet ishin në bisedime për sulmuesin Bakaj.
E reja e fundit është se Kukësi dhe klubi i Shaktjorit kanë arritur në marrëveshje.
Pritet që lojtari të transferohet brenda javës në Bjellorusi, pasi kampionati atje nis në fund të këtij muaji.
Kukësi mësohet se e ka lënë jashtë grumbullimit sulmuesin, për ndeshjen e nesërme me Lushnjën.
Gazeta mëson se nga ky transferim, klubi i Kukësit do të përfitojë një shumë të majme, mbi 100 mijë euro.
