Ndërprerjes së kampionatit për ndeshjet e Kombëtareve i erdhi fundi. Futbolli shqiptar nis ditën e sotme javën e 6 me dy përballje interesante.
Në orën 15:00 në Adush Muça të Ballshit, Bylis sfidon Erzenin në “derbin” e surprizave pasi dy skuadrat e ardhura nga Kategoria e Parë kanë mahnitur publikun shqiptar me rezultatet dhe performancat e tyre.
Ndeshja tjetër është ajo mes Teutës dhe Vllaznisë në Niko Dovana. Në orën 17:45, Teuta kërkon fitoren e parë dhe trajneri Shkëmbi ka besim se ekipi i tij është përgatitur sic duhet për shkodranët.
Vllaznia nga ana tjetër vjen në Durrës për 3 pikët dhe mban sytë nga kryeqyteti aty ku të paktën një mes Tiranës dhe Partizanit do të humbasin pikë./newsport/
Ndeshjet e sotme:
Bylis- Erzeni ora 15:00
Teuta- Vllaznia ora 17.45
