Ka nisur zyrtarisht numërimi mbrapsht për Liverpool-Manchester City. E para kundër të dytës, takimi i caktuar për të dielën më 10 mars në orën 16:45 me orën tonë për ndeshjen e vlefshme për javën e 28-të të Premier League.
Pep Guardiola ka folur për ndeshjen në konferencë për shtyp.
Guardiola e ka nisur nga ajo që do të jetë ndeshja e tij e fundit në Premier League kundër Klopp, i cili ka njoftuar se do të largohet nga Të Kuqtë në fund të sezonit:
“Gjithmonë kam ndjenjën se Klopp do të kthehet herët a vonë. Ai e do futbollin. Pasioni i tij është futbolli. Ai e shpjegoi në mënyrë të përsosur pse po largohet. Në Premier League është hera e fundit, por ndoshta do të ketë ende një mënyrë për të përballem me të në FA Cup”.
Në lidhje me ndeshjen:
“Tashmë kemi parë disa detaje për mënyrën se si ata sulmojnë, e cila është e ndryshme në krahasim me sezonet e mëparshme. Cilësia e disa lojtarëve të tyre e bën lojën të ndryshme.
“Pjesët kryesore janë të njëjta dhe ne e dimë mjaft mirë, por detajet e vogla duhet t’i përshtatim. Në të njëjtën kohë, duke e ditur këtë, duhet të shohim ndeshjet që ne dhe ata kemi luajtur kohët e fundit dhe të shohim nëse kemi nevojë për të rregulluar diçka për t’u ndjerë më rehat me lojtarët që do të duhet të luajmë të dielën”.
