HomePA KATEGORIRekord! Advije Veliu 12 gola në një ndeshje

Rekord! Advije Veliu 12 gola në një ndeshje

Ka ndodhur sot në Kamëz teksa futbollistja kosovare Advije Veliu që luan për ekipin e “Juban Danjës” në futboll për femra, ka shënuar plot 12 gola në një ndeshje kampionati. E ka bërë këtë ndaj Dardanisë, skuadër të cilën e kanë mundur në shifrat shumë të thella 16-0. Fakti që Veliu ka shënuar 3/4 e këtyre golave, tregon se ajo mbetet pika më e fortë e skuadrës dhe po ashtu, është edhe golashënuesja më e mirë e kampionatit tashmë me 34 gola të shënuar. 4 golat e tjerë në ndeshjen e sotme kanë patur për autore kapitenen Emanuela Jaku, Alma Hilajn dhe Klaudia Rrotanin. Me fitoren e sotme, Juban Danja është ngjitur në kuotën e 23 pikëve, po aq sa edhe Tirana AS duke ndarë kështu vendin e dytë dhe të tretë me njëra-tjetrën veçse ekipi shkodran udhëheq me golaverazh 58-8 ndaj ekipit kryeqytetas që e ka golaverazhin 50-9. Pavarësisht gabimit të bërë në ndeshjen me ekipin The Door, vajzat e “Juban Danjes” kanë sërish pretendimet e tyre megjithatë për titullin kampion tashmë duket se çdo gjë ka përfunduar sepse Ada e Velipojës me epërsinë që ka në renditje, nuk do ta lëshojë vendin e parë duke qenë shumë pranë rishpalljes kampion për të dytin vit rradhazi.

www.shkodrasport.com

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments