Rivaldo së fundmi i ka dhënë një sugjerim Barcelonës për merkaton e verës. Sipas tij, mesfushori Arthur Melo nuk duhet të largohet nga “Camp Nou”, pavarësisht spekulimeve se me shitjen e tij Barcelona arrin blerjen e boshnjakut Miralem Pjanic.
“Po lexoj se Barcelona ka interes për të marrë Miralem Pjanic nga Juventusi dhe nuk jam aspak dakord që për këtë lëvizje duhet sakrifikuar Arthur. Klubit i sugjeroj ta ketë mendjen tek e tashmja”, ka deklaruar braziliani.
“Unë mendoj se Arthur do të ishte një blerje e shkëlqyer për Juventusin, sepse ai është një lojtar i nivelit të lartë.
Gjithsesi, them se ai duhet të qëndrojë te Barcelona, duke parë moshën e tij të re. Ka pak kohë që luan te Barcelona dhe jam i bindur se do të bëhet titullar”.
