Partizani vijon përgatitjet për ndeshjen me Vllazninë në Loro Boriçi të premten në orën 17:45 për javën e 7 të Abissnet Superiore. Pas humbjes në derbi, Demat duan të rikthehen menjëherë te fitorja për të ngritu moralin e kampit të kuq.
Megjithatë, fitorja nuk do të jetë e lehtë sidomos kur ke disa dëmtime. Ky fillim sezoni nuk e ka parë asnjëherë klubin e kuq me grupin e plotë dhe situata vazhdon e njëjtë. Pas rikthimit të Hoti, Da Silva dhe Buxhelaj, infermierisë i shtohen Telushi me Cvetanovskin.
Vlonjati la derbin pas vetëm 10 minutave në fushën e lojës ndërsa maqedonasi është stërvitur veçmas në stërvitjen e djeshme dhe rrezikon Vllazninë.
Marçelino Preka është rikthyer në stërvitje me grupin e plotë dhe do të shihet nëse mund të jetë i gatshëm për ndeshjen e së premtes. E njëjta gjë vlen edhe për Romeron që edhe pse është stërvitur disa herë me ekipin këtë sezon nuk ka luajtur ende./newsport/
