Vllaznia U-16 per femra merr nje tjeter fitore ne kampionat dhe vazhdon te ruaje kryesimin e renditjes pas javes se gjashte te tij. Mesditen e sotme ajo ka fituar ne Elbasan ndaj skuadres vendase me rezultatin 6-3.
Ka qene futbollistja Klaudia Borci ajo qe ka shenuar shpejt dy gola per ekipin shkodran, por me pas ka qene futbollistja Meta qe ka ngushtuar shifrat ne minuten e 31-te per skuadren e Elbasanit. Po kjo futbolliste ne minuten e 45-te do te shenonte edhe golin e dyte duke barazuar rezultatin.
Vllaznia zgjohet nga ky barazim i papritur dhe shenon menjehere dy gola me ane te Herta Hasajt dhe Arlinda Kodres. Megjithate, Meta serish shenon per Elbasanin, golin e trete personal te saj duke ngushtuar shifrat ne 3-4.
Por vetem kaq, sepse Vllaznia do te shenonte serish, madje dy gola, fillimisht me Kodren dhe me pas me Matajn duke bere qe gjithe takimi te mbyllej me fitoren e saj ne shifrat 6-3.
Pas javes se gjashte te kampionatit, Vllaznia udheheq renditjen me 16 pike, pas 5 fitoreve dhe 1 barazimi te arritur, duke qene keshtu kandidatja kryesore per fitimin e titullit kampion edhe me kete grupmoshe.
