Vllaznia ne volejboll per femra eshte mundur serish edhe kete jave ne duelin e zhvilluar pasditen e djeshme ne pallatin e sportit “Qazim Dervishi” te Shkodres, te vlefshem per javen e dyte te kampionatit. Keshtu, perballe ekipit shkodran ishte Skenderbeu, e cila vinte pas nje fitoreje.
Ne formacionin e skuadres vendase te Vllaznise luanin tre volejbolliste te huaja, me pjesen tjeter qe ishin shkodrane. Seti i pare ofron nje rivalitet ne fushen e lojes, por volejbollistet mysafire tregohen me te sakta, duke avancuar dhe duke e mbyllur setin e pare, 22-25 per Skenderbeun.
Ne setin e dyte, Vllaznia mberrin tek fitorja dhe e fiton ate me shifrat 25-20, por aty ndalet, sepse ne setin e trete, i cili prodhoi shume rivalitet ne fushen e lojes, ishte Skenderbeu ajo qe arriti te fitoje me rezultatin e ngushte, 24-26.
Ajo qe nuk shkon ka te beje me setin e katert dhe te fundit. Ne fakt, prej ndeshjes qe po zhvillohej ne ato minuta dhe ne dy setet e fundit, te jepej pershtypja se, Vllaznia e drejtuar nga trajneri shkodran Besnik Lisha po kerkon fitoren e kesaj perballjeje, por vetem kaq, sepse me pas volejbollistet shkodrane bejne gabime te shumta, duke i dhene mundesi korcareve te shenojne non-stop deri sa e mbyllin edhe kete set me shifrat, 15-25.
Keshtu, ne fund 1-3 per Skenderbeun, qe merr nje fitore te merituar ne pallatin e sportit “Qazim Dervishi” te Shkodres. Nderkohe, Vllaznia, pasi te kete analizuar me kujdes perballjen me Skenderbeun dhe polemikat qe po kalon ekipi shkodran se fundmi, do t’i duhet te punoje edhe me fort per te eleminuar disa gabime te shfaqura ne kete ndeshje, ne menyre qe ne vazhdim, duke filluar nga java e trete, te rikthehen perseri tek fitorja.
Maringlen ZHIVANI
