Vllaznia do te luaje neser ndaj Kukesit sfiden e rradhes per kampionat dhe kuptohet qe e gjithe vemendja eshte e perqendruar tek sfida qe do te luhet ne “Elbasan Arena” dhe do te nise ne oren 16.45.
Por nderkohe, ne Shkoder kane filluar ta kene mendjen edhe tek sfida e javes tjeter, klasikja e futbollit shqiptar, ajo ne mes Vllaznise dhe Tiranes qe natyrisht pritet me shume interes nga te gjithe.
Per çudi, kjo ndeshje fillimisht ka qene programuar nga Federata Shqiptare e Futbollit per t’u luajtur te shtunen e ardhshme ne oren 13.45!!! Te pakten keshtu ka qene e hedhur ne sistemin e FSHF-se. Nje orar i çuditshem per nje sfide kaq te rendesishme si kjo ne mes shkodraneve dhe tiranasve.
Megjithate, pas interesimit te drejtuesve te Vllaznise mesohet se ata kane marre nje pergjigje tjeter. Nga FSHF jane njoftuar se ndeshja do te luhet ne oren 16.45 dhe padyshim qe kjo eshte mirepritur nga ana e tyre.
Vllaznia ka per detyre te kaloje njehere neser Kukesin dhe pastaj te fokusohet maksimalisht ndaj kryesuesve te kampionatit ku padyshim qe do te kerkoje fitoren./SHKODRA-SPORT.COM/
