Vllaznia do te luaje neser ndaj Egnatias ne transferte dhe ajo serish nuk do te jete vetem. Ne mbeshtetje te saj do te jene edhe tifozet kuqeblu, pikerisht ata te grupimit “Vllaznit Ultras”.

Permes nje njoftimi ne faqen e tyre ata kane bere te ditur se nisja drejt Rrogozhines do te behet ne oren 11.00 prane Teatrit “Migjeni” dhe njekohesisht u kane bere thirrje te gjithe pjestareve te ketij grupimi per te qene te pranishem.

Ne fakt qe prej tre ndeshjesh, dy prej te cilave ne transfertat e Durresit dhe Tirane, “Vllaznit Ultras” kane qene prane skuadres duke e mbeshtetur ashtu si duhet, paçka se nga transferta e pare jane kthyer shume te zhgenjyer pas humbjes me Erzenin.

Por gjithçka duket se eshte harruar per ta pas fitores ne transferten e Tiranes nderkohe qe tashme presin qe ekipi i tyre i zemres t’ua dhuroje te njejten kenaqesi edhe neser ne ndeshjen me Egnatian.

Vllaznia ndodhet per momentin ne vendin e dyte te renditjes dhe do te kerkoje padyshim fitoren per te ruajtur kete pozite, por edhe per te tentuar afrimin gjithnje e me shume me kreun./SHKODRA-SPORT.COM/