Menaxheri i Barcelonës, Xavi Hernandez, ka qeshur me sugjerimet se sulmuesi i ri Ansu Fati mund t’i bashkohet Real Madridit.Fati, 20 vjeç, është lidhur me një largim gjatë verës, me raportime se menaxheri i tij nuk ka besim të plotë në aftësitë e tij.
Përpara ndeshjes së Real Madridit ndaj Almerias, Carlo Ancelotti është pyetur për Fatin dhe ka dhënë një përgjigje intriguese.
“Epo, çfarë mund të them. Ansu Fati është një i ri, i cili do të ketë një të ardhme të shkëlqyer”, ka thënë Ancelotti.
Në konferencën për shtyp para përballjes së Barcelonës me Cadizin, Xavi u pyet nëse mund ta imagjinonte Fatin duke nënshkruar për Real Madridin një ditë pas komenteve të Ancelottit.
“Kjo është një shaka, apo jo? Unë tashmë isha shumë i hapur. Janë krijuar debate që nuk kanë asnjë kuptim. Është shumë i rëndësishëm për ne dhe do të vazhdojë të jetë”.
“Ai është trashëgimia e klubit dhe mendoj se kam qenë shumë i qartë për këtë”, ka thënë Xavi në konferencën për shtyp.
Ndërsa Real Madridi nënshkroi një herë Luis Figo nga Barcelona, me Florentino Perez në krye, kjo është një situatë shumë e ndryshme, dhe përveç një eksperti që sugjeron atë si një preferencë personale, nuk është raportuar si një mundësi.
Do të ishte një befasi e madhe nëse diçka do të ndodhte, jo vetëm sepse Fati ka të ngjarë të përballet me një situatë të ngjashme në Santiago Bernabeu me atë që ai bën në Barcelonë, për sa i përket kohës së lojës. /Telegrafi/
