Kosova prej disa javësh tashmë është në kërkim të gjetjes së një trajneri të ri. Federata e Futbollit të Kosovës më në fund ka gjetur trajnerin e ri. Ne fakt nuk eshte Shevçenko siç u perfol ditet e fundit. FFK-ja ka vendosur t’i besojë kombëtaren Primoz Gliha.
Ky i fundit e njeh mirë ambientin, pasi ka disa vite që është pjesë e “Dardanëve”. Madje pas largimit të Challanges e drejtoi përfaqësuesen e Kosovës në sfidat ndaj Jordanisë dhe Greqisë.
Gjithashtu Gliha ka nënshkruar kontratë me FFK-në dhe do të drejtojë “Dardanët” në 6 sfidat e mbetura të Euro 2024. Ndihmës të tij do të jenë Afrim Tovërlani, i cili është trajneri i ekipit të Kosovës U-21 dhe Arbnor Morina, Ahmet Beselica dhe Thomas Richards.
“KE i FFK-së ka vendosur që t’ia besojë drejtimin e Dardanëve ekipit të brendshëm të trajnerëve që tashmë janë të angazhuar në ekipet kombëtare. Ata njëherësh do të qëndrojnë në ekipet e grupmoshave që i drejtojnë, por do të jenë të angazhuar për të ndihmuar përzgjedhësin Gliha në Kombëtaren A”, thuhet në njoftimin e FFk-së.
