FUTBOLL - KATEGORIA E PARE

Skuadra pukjane vazhdon me intensitet pergatitjet per sezonin e ri futbollistik. Ajo eshte çdo dite e pranishme ne fushen sportive te Shtojit dhe nuk i mbetet gje tjeter veçse te prese nisjen e kampionatit.Trajneri Kreshnik Krepi ne nje prononcim per mediat ka bere te ditur se objektivi i skuadres do te jete ngjitja ne Superlige pasi per vete investimin qe eshte bere, nuk duhet te heqe dore nga nje gje e tille.

Mesfushori shkodran Arsen Hajdari nuk do të largohet nga Shkodra. Në fund të sezonit të kaluar, ai pati disa mundësi për vazhdimin e karrierën si brenda Shqipërisë ashtu edhe jashtë saj, kryesisht në kampionatin kosovar. Megjithatë, fakti që ai për momentin nuk ka qenë në planet e trajnerit Cungu për ekipin e parë, nuk e ka "mërzitur" 28 vjeçarin që ka vendosur të mos largohet nga klubi kuqeblu.

Tjetër përforcim për Tërbunin e Pukës, skuadër e cila po stërvitet në Shkodër nën drejtimin e trajnerit Krepi prej më shumë se 3 javësh, ndërkohë që ka zhvillime për sa i takon merkatos, pasi ditën e djeshme nën urdhrat e trajneri Kreshnik Krepi është vënë lojtari polivalent, Senad Lekaj. 27-vjeçari vjet e nisi sezonin te Besëlidhja dhe u aktivizua në 19 ndeshje (17 titullar).

Kampionati i kategorisë së parë në futbollin shqiptar është programuar të nisë më 16 shtator por disa prej stadiumeve ku do të luhen ndeshjet e kësaj kategorie kanë probleme dhe ende nuk janë liçensuar. Ndryshe qëndron problemi për fushën ku do t'i zhvillojë ndeshjet Vllaznia B.

Federata Shqiptare e Futbollit mesditën e së mërkurës ka hedhur në një nga ambjentet e saj shortin e kategorisë së parë për sezonin e ri futbollistik. Në këtë kampionat siç dihet, për herë të parë do të marrë pjesë edhe ekipi i dytë i klubit Vllaznia, pikërisht ekipi B që do të drejtohet sërish nga trajneri Ervis Kraja.

Tërbuni vazhdon të besojë tek shkodranët. Pasi i kanë besuar pankinën Kreshnik Krepit, tashmë po mbushin edhe skuadrën me futbollistë nga kryeqendra e Veriut. Kështu në seancën e djeshme ishte i pranishëm edhe shkodrani Valdano Nimani, i cili është formuar si futbollist te Vllaznia, por kulmin në karrierën e tij e ka pasur me skuadrën e Laçit, duke fituar dy herë Kupën e Shqipërisë dhe Superkupën, ndërkohë që është aktivizuar dhe ka shënuar edhe në kupat e Europës.

Mesfushori shkodran Samet Hepaj do të mbetet pjesë e ekipit të Besëlidhjes edhe sezonin e ardhshëm, ndryshe nga qendërmbrojtësi Klejdi Dibra, që largohet pas pesë vitesh prej saj.Besëlidhja po stërvitet intensivisht nën drejtimin e trajnerit Anteu Pepaj, duke sfiduar temperaturat e larta.

Mosgjetja e hapësirave të duhura për aktivizim tek Vllaznia ka bërë që mesfushori Denis Dyca të mendojë për të gjetur një ekip tjetër për t'u luajtur më shumë minuta. Kjo dëshirë e tij është bërë bashkë edhe me kërkesën e trajnerit Samuel Nikaj për ta patur në dispozicion e tij dhe fakti që ai është ulur në pankinën e Kastiotit të Krujë, ka bërë që drejtuesit e këtij të fundit ta kërkojnë këtë futbollist.

"Zbarkimet" e shkodranëve tek Kastrioti vazhdojnë. Projekti i trajnerit Samuel Nikaj vazhdon dhe natyrisht që ai po bazohet tek lojtarët që njeh mirë dhe ka kërkuar t'i ketë në dispozicion. Për këtë arsye, pas marrjes edhe të Dycës, pjesë e krutanëve zyrtarisht është edhe një tjetër lojtar i ardhur nga Superliga.

"Luftë merkatoje" në mes ekipeve të së njëjtës kategori por edhe në mes trajnerësh. Kastrioti dhe Tërbuni në sezonin e ri të kategorisë së parë të futbollit shqiptar duket se do të jenë pretendente për në Superligë. Për këtë arsye, ato po tentojnë të forcohen me lojtarët e duhur në këtë
periudhë merkatoje.