Luka: Topi tashmë është në anën e ekipit. Bashkia e bëri të vetën

Kryebashkiaku I Shkodrës Lorenc Luka, që është njëkohësisht edhe president I Vllaznisë, ka pritur pasditen e së hënës në zyrën e tij ekipin e futbollit në prag të nisjes së sezonit te ri. Ai I ka uruar suksese futbollisteve dhe stafit drejtues dhe u ka kujtuar atyre se tashme nje Shkoder e tere I ka syte tek ata dhe rezultatet qe do arrijne. Ai ka kerkuar qe Vllaznia ta nise me fitore kampionatin duke mundur Skënderbeun në ndeshjen e parë teksa ka thënë: “Deri sot mund të them se topi ka qenë në anën tonë ndërsa tani e tutje mund të them me plot gojën se topi ka kaluar tek ju.

Duro: Vllaznia s’ka frikë as Skënderbeun dhe askënd tjetër

Fitorja në miqësoren e fundit me Adën e ka ngrohur edhe më tepër trajnerin e Vllaznisë Shpëtim Duro. Pavarësisht se skuadra që ai drejton nuk ka arritur ende maksimumin e saj, ai është i kënaqur. Loja po vjen në rritje, gola tashmë po shënohen dhe këta janë tregues të një skuadre në rritje. Duke folur pikërisht për fitoren me velipojakët në miqësoren e fundit me shifrat 3-1, ai ka thënë: ”Ka qenë prova e fundit për skuadrën tonë. Mendoj se në përgjithësi kemi zhvilluar një ndeshje të mirë dhe për më tepër e rëndësishme për ne ishte që të shënonim. E bëmë këtë gjë dhe jam i kënaqur. Në miqësoren me Shkumbinin kemi shënuar, po ashtu edhe me Besëlidhjen ndonëse nuk shënuan, krijuam raste dhe luajtëm mirë dhe po ashtu edhe ndaj Adës shënuam tre gola.

Sponsori Tormetaj premton edhe shpërblime për skuadrën

Lajme të mira sërish për Vllazninë sa I takon anës financiare. Pas nënshkrimit të kontratën me kompaninë “Asrtl group” për sponsorizimin njëvjeçar, ka qenë drejtori I përgjithshëm I kësaj kompanie Lavdush Tormetaj ai që ka premtuar edhe premio të...

Vllaznia mund 3-1 Adën në miqësoren e fundit në prag kampionatit

Vllaznia e ka fituar 3-1 ndeshjen miqësore të luajtur pasditen e sotme në stadiumin "Loro Boriçi" ndaj Adës. Golat e Dragoit, Rexhës dhe Deliç i kanë dhënë asaj fitoren në të fundit përballje miqësore në prag të nisjes së kampionatit të ri.Ndeshja ka filluar e mirë për kuqeblutë të cilët përmes veprimeve shumë të bukura në krah të rumunit Dragoi, kanë krijuar edhe  dy raste shumë të pastra shënimi me anë të Hysës dhe Rexhës me kokë.

Klauzola e kontratës për Rexhën: Bonus nëse shënon 15 gola

Në kampionatin e fundit të Kosovës, Kastriot Rexha duke luajtur në rradhët e ekipit nënkampion, atij Trepça ’89, ka arritur të shënojë 16 gola duke u renditur I dyti në listën e golashënuesve më të mirë. Vetë ai mendon se këtë shifër mund ta realizojë edhe me Vllazninë. Pikërisht duke parë këtë gjë, drejtuesit e klubit shkodran, edhe për ta motivuar më shumë sulmuesin, I kanë vënë një klauzolë në kontratë, klauzolë e cila është pranuar edhe nga vetë lojtari. Nëse ai shënon 15 gola në kampionatin e ri, do të ketë një bonus në kontratë.

Vllaznia, sot miqësorja e fundit, luan ndaj Adës

Për Vllazninë vjen edhe miqësorja e fundit. Ajo do luhet pasditen e  sotme në stadiumin “Loro Boriçi” në orën 17.30 dhe përballë kuqebluve do jetë Ada e Velipojës. Kjo është përballja e dytë me këtë skuadër Brenda pak ditësh, teksa e para u pat mbyllur në barazim 0-0. Miqësorja ndaj velipojakëve do të jetë e gjashta për skuadrën shkodrane. Në pesë të parat, ajo ka fituar një herë, ka barazuar tre takime dhe ka humbur një. Në këtë mënyrë në këtë ndeshje të gjashtë pritet të shihen ndryshimet e fundit tek skuadra pikërisht në prag të sfidës shumë të rëndësishme me Skënderbeun që do të luhet të premten e ardhshme.

Vllaznia- Skënderbeu ose Duro- Josa në pankinat e kundërta

Të premten e 24 gushtit ata do përballen me njëri- tjetrin. Qëllimi do jetë I njëjti: ta nisin me fitore kampionatin e ri me skuadrat e tyre respective. Shpëtim Duro do kërkojë ta nisë me fitore debutimin për herë në parë në pankinën e Vllaznisë ndërsa Mirel Josa me të njëjtin objektiv rikthimin për herë të tretë në Korçë. Por në fakt, një sezon më parë, këta dy trajnerë të njohur kanë qenë në pankinat e kundërta.

Vllaznia vuan për golat. Sulmuesit “made in Shkodra” në mërgim

Mund të duket e çuditshme por në Shkodër sa I takon futbollit të luajtur, më shumë se çdo gjë tjetër ky qytet ka nxjerrë sulmuesa. Ata janë të shumtë, të gjithë emra të mëdhenj dhe që kanë mbetur në mendjen e të gjithëve. Portierë ka shumë pak, mund të numërohen me gishtat e njërës dorë ata më cilësorët. Mbrojtësa diçka më ndryshe e po ashtu edhe mesfushorë. Për sulmues skuadra e këtij qyteti- Vllaznia, nuk ka vuajtur asnjëherë. Mjafton të përmendim disa nga emrat më të famshëm që nga krijimi I kësaj skuadre dhe deri më sot: Muhamet Halili, Loro Boriçi, Xhevdet Shaqiri, Xhelal Juka, Hamdi Bakalli, Selami Dani, Medin Zhega, Roland Luçi, Fasli Fakja e për të vazhduar me brezin e pas viteve ’90 me Milotin, Sinanin, Martinin, Salihin, Sukaj, Balën e Vajushin.

Arrihet marrëveshja, Kastriot Rexha vishet kuqeblu. Sot firma

Sulmuesi kosovar Kastriot Rexha është blerja më e fundit e Vllaznisë. Ai është ulur dje në tavolinën e bisedimeve me drejtorin sportiv të klubit shkodran Armir Grima dhe ka arritur akordin e më pas ka nxituar për të dalë në stërvitje me ekipin. 24 vjeçari nga Prishtina kishte mbërritur në Shkodër mesditën e së hënës por pasdite nuk ka pranuar të dalë në stërvitje ngaqë sipas tij më parë duhej të mbyllte bisedime me drejtuesit e klubit nëse do firmoste apo jo. Provën e parë ai e kishte kaluar me sukses dhe në kushte të tilla pritej vetëm marrëveshja.

Vllaznia, gati firma me sulmuesin kosovar Kastriot Rexha

Kastriot Rexha pritet të jetë blerja e 11-të e Vllaznisë në merkaton e kësaj vere. Sulmuesi kosovar pasi ka ndihmuar ekipin Trepça ’89 në fitimin e Superkupës së Kosovës ditën e shtunë në përballjen me Prishtinën, është kthyer dje sërish në Shkodër. Ai ka marrë një telefonatë nga drejtuesit e klubit kuqeblu për t’u rikthyer dhe për të biseduar sërish. Këtë herë mesa duket për detajet e kontratës. Paraditen e djeshme, sulmuesi shtatëlartë është bashkuar në Pejë me mesfushorin Ilir Nallbani edhe ky pjesë e Vllaznisë dhe të dy sëbashku kanë marrë rrugën drejt Shqipërisë. Kanë kaluar pikën doganore të Morinës dhe kanë marrë rrugën për në Shkodër.

error: NDALOHET KOPJIMI DHE PËRDORIMI I PA-AUTORIZUAR