Trajneri Cungu: Shorti? Kënaqësi ta nisim ndaj Kukësit

Trajneri I Vllaznisë Armando Cungu është I kënaqur që shorti I kampionatit të ri, e ka përballuar skuadrën e tij aktuale në ndeshjen e parë me Kukësin, ekip me të cilin ka kujtime të bukura në karrierën e tij. Prej 11 ditësh bashkë me ekipin ndodhen në Berane të Malit të Zi duke zhvilluar pjesën më intensive të përgatitjeve për sezonin e ri futbollistik. Cungu duket i kënaqur me mënyrën si kanë shkuar gjërat gjatë kësaj periudhe dhe natyrisht që tashmë ka filluar të mendojë gradualisht për nisjen e kampionatit të ri që do të startojë më 7 shtator.

Vllaznia fiton edhe miqësoren e dytë. Mund 1-0 Jedinstvo

Skuadra shkodrane arrin edhe fitoren e dytë në po kaq ndeshje miqësore të zhvilluara në përgatitoren malazeze. Këtë herë përballë saj ka qenë ekipi i Superligës së këtij vendi, Jedinstvo e Bjellopoljes dhe në fund të takimit është fiksuar rezultati 1-0 në favor të Vllaznisë. Autor i të vetmit gol të ndeshjes mësohet të ketë qenë një mesfushor serb i ardhur për provë.

Miqësorja: Dëmtohet Melunoviç, shënon i sapoardhuri Mandiç

Ndeshja e sotme miqësore kundër ekipit malazez Jedinstvo është pritur me interes në kampin shkodran sepse do të ishte një përballje vërtetë interesante ngaqë luhej përballë një ekip të Superligës së vendit fqinj. Dhe jo vetëm kaq. Malazezët tashmë duken në kulmin e formës së tyre ngaqë e kanë nisur kampionat ndërsa shkodranët janë në fazën e marrjes së ngarkesave stërvitore në përgatitoren që janë duke zhvilluar në Berane. Megjithatë takimi ka qenë i pëlqyeshëm për të dy ekipet. Në kampin kuqeblu kjo miqësore është pritur me interes edhe për faktin se ajo do ishte përcaktuese për fatet e mëtejshme të sulmuesit serb Alen Melunoviç që është në provë prej disa ditësh.

Vllaznia zhgënjen nga Kamzës. Mundet 2-4 në “Reshit Rusi”

Vjen humbja e parë për Vllazninë në miqësore. Ka ndodhur kështu pasditen e sotme kur ajo ka pësuar disfatën e parë pikërisht ndaj inferiorëve të Kamzës teksa në fund të 90 minutave të ndeshjes së luajtur në "Reshit Rusi" është fiksuar rezultati 2-4 për miqtë. Një lojë zhgënjyese që ka lënë të pakënaqur si stafin teknik ashtu edhe tifozët që në fakt kishin filluar të mendonin për një skuadër ndryshe pas përforcimeve të fundit të bëra, megjithatë duket se problemet vazhdojnë sërish. Trajneri Cungu e ka nisur ndeshjen me portierin Agoviç, për të vazhduar me Gocaj, Cicmil, Vrapi e Marku në mbrojtje.

“Befason” Vllaznia. Merr mbrojtësin Ditmar Bicaj

Pas Yll Hoxhës, Vllaznia ditën e sotme ka bërë një tjetër goditje të rëndësishme në merkato. Bëhet fjalë për mbrojtësin Ditmar Bicaj i cili mesditën e sotme ka firmosur kontratën me klubin shkodran. 26 vjeçari në fakt pak kohë u parë u transferua në kampionatin iranian me klubin Makine Sazi por ditët e fundit Federata e këtij vendi i ka nxjerrë një problem dhe lojtari është detyruar të prishë kontratën e të kthehet në Shqipëri. Me t’u kthyer këtu, ai ka hyrë në negociata sërish me drejtuesit e klubit shkodran dhe sot ka arritur akordin përfundimtar. Që do të thotë se për sezonin e ri, ai do të luajë me Vllazninë.

Vllaznia fiton 2-0 ndaj Otrant. Cungu më i kënaqur me skuadrën

Për skuadrën shkodrane vjen edhe fitorja e tretë në katër miqësoret e zhvilluara deri më tani. Në takimin e luajtur pasditen e sotme në Ulqin ndaj skuadrës vendase Otrant, Vllaznia ka arritur të fitojë me rezultatin 2-0. Autorë të golave kanë qenë dy futbollistët e ardhur këtë verë tek ajo, Gocaj dhe Manuka. Shkodrani ka shënuar në pjesën e parë ndërsa i dyti ka shënuar në 45 minutat e dyta. Ajo që ka më shumë rëndësi është se edhe trajneri Cungu ka mbetur disi më i kënaqur me paraqitjen e futbollistëve të tij, gjithnjë krahasuar me ato të miqësoreve të mëparshme. Në fushë nga minuta e parë kanë luajtur, Agoviç në portë ndërsa në mbrojtje ka qenë katërshja e përbërë nga Gocaj, Cicmil, Vrapi dhe Marku.

Vllaznia, nesër miqësore me Otrant në Ulqin

Të shtunën pasdite, ekipi i Vllaznisë do të zhvillojë një tjetër ndeshje miqësore. Këtë herë përballë saj do të jetë Otrant i Ulqinit. Drejtuesit e të dy klubeve kanë rënë dakord për zhvillimin e kësaj ndeshje, nesër në orën 18.00 në Ulqin. Në fillim kishte një dilemë nëse do të luhej atje apo në Shkodër, por në fund është vendosur në qytetin bregdetar malazez. Vllaznia deri më tani ka zhvilluar tre ndeshje miqësore. Të parën e ka luajtur në Tuz ndaj Deçiçit dhe e ka fituar me rezultatin 2-1. Të dytën e ka luajtur në Tivar ndaj Mornarit dhe e ka fituar 1-0 ndërsa të tretën, atë të luajtur pasditen e së mërkurës në Shkodër ndaj Deçiçit, e ka barazuar 0-0 .

Vllaznia fiton edhe miqesoren e dytë. Mund 1-0 Mornarin

Vllaznia fiton edhe ndeshjen e dytë miqësore, atë të zhvilluar pasditen e sotme në Tivar të Malit të Zi ndaj Mornarit vendas. Në fund të takimit është fiksuar rezultati 1-0 në favor të kuqebluve. Fatin e ndeshjes e ka vendosur autogoli i Malishiç në minutën e 88-të të saj. Ka qenë një depërtim i bukur i Pepës nga e majta, është futur në zonë dhe ka tentuar të pasojë tek Dibra prane portës por ka ndërhyrë mbrojtësi vendas që në përpjekje për të larguar topin, e ka dërguar atë në rrjetën e portës së tij. Pavarësisht fitores, duhet thënë se loja e ekipit shkodran nuk është ngjitur në lartësinë e duhur.

Vllaznia, rradha e një braziliani dhe e një bjellorusi për provë

Tre ikin, dy vijnë. Ndodh kështu tek Vllaznia e cila po has shumë vështirësi në gjetjen e lojtarëve cilësorë në merkato. Duke qenë se mundësitë për tregun shqiptar janë të limituara, drejtuesit kanë hedhur sytë drejt tregut të huaj. Por deri më tani, nuk ka asnjë ardhje cilësore. Dje janë larguar pas dështimit në provë portieri malazez Nemanja Scekiç, sulmuesi po nga Mali i Zi Ognjen Roloviç dhe serbi Aleksandar Rakiç. Megjithatë vendi i tyre nuk ka mbetur bosh. Në stërvitjen e sotme kanë qenë të pranishëm dy futbollistë të rinj. Bëhet fjalë për Leonardo Belmanin dhe Dzmitry Rekish.

Vllaznia, “humbet” portieri Pridigar, rikthehet sulmuesi Rakiç

Vllaznia pasditen e së premtes do të zhvillojë ndeshjen e dytë miqësore. Ajo do të luajë në Tivar të Malit të Zi ndaj skuadrës vendase Mornar. Para kësaj miqësoreje, ekipi shkodran pasditen e sotme ka zhvilluar seancën e rradhës. Ajo që ka rënë në sy në këtë seancë ka qenë prania e vetëm njërit nga dy portierët e mbërritur ditën e djeshme në Shkodër. Bëhet fjalë për sllovenin Marko Pridigar. Ndonëse ai kishte ardhur tek Vllaznia me shpresën për të firmosur për të, 31 vjeçari slloven e ka parë të arsyeshme të kthehet sërish andej nga kishte ardhur pa bërë qoftë edhe një stërvitje të vetme me kuqeblutë.

error: NDALOHET KOPJIMI DHE PËRDORIMI I PA-AUTORIZUAR